Ułady znajšli sposab, jak dać rady kadravamu deficytu ŭ kamunalnaj śfiery va ŭmovach mocnaha śniehapadu. Jak paviedamlaje STV, da ačystki terytoryj kala dziciačych sadoŭ, prytułkaŭ, balnic i inšych sacyjalnych abjektaŭ u roznych rajonach Minska stali pryciahvać byłych źniavolenych, a taksama tych, chto adbyvaje pakarańnie bieź izalacyi ad hramadstva.
Jak zvyčajna ŭ takich vypadkach viadziecca, akcyja aficyjna pradstaŭlajecca jak nibyta dobraachvotnaja. Pavodle słoŭ načalnika adździeła nahladna-vykanaŭčaj dziejnaści HUUS Minharvykankama Ivana Sakałoŭskaha, ludzi «dapamahajuć inicyjatyŭna», i hetaja inicyjatyva, jak adznačajuć užo prapahandysty z STB — «mahčymaść vypravić pamyłki, dapamahajučy pry hetym hramadstvu».
U vykazvańniach samich rabotnikaŭ, zapisanych na kamieru, taksama niamała pafasu.
Jak adznačajecca, na hetaj pieršaj akcyi siłaviki spyniacca nie źbirajucca i abiacajuć takuju praktyku zrabić stałaj.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
U zdarovaj hramadskaj supolnaści ludzi sami vychodziać dapamahčy - tamu što heta ichni rajon, dziciačyja sadki, u jakija chodziać ichnija dzieci i hetak dalej.
Tolki hetuju zdarovuju chvalu zadušyli vosieńniu 20-ha, kali na takija supolnyja pracy pryjazdžaŭ AMAP.