Zdareńni55

Ciahnik Homiel-Minsk zatrymaŭsia na paŭhadziny ŭ Babrujsku, bo pamočnika mašynista dapytvali siłaviki

«Supolnaść čyhunačnikaŭ Biełarusi» paviedamiła pra niezvyčajny incydent, jaki adbyŭsia 14 studzienia na stancyi Babrujsk. 

Fota ilustracyjnaje

Pavodle źviestak «Supolnaści čyhunačnikaŭ Biełarusi», pasažyrski ciahnik sieryi EPMII («Štadler») 14 studzienia vyjšaŭ z Homiela ŭ 11:02, a ŭ Minsk pavodle hrafika ruchu pavinien byŭ prybyć u 14:08. Kiravali im mašynist Sokał i pamočnik mašynista Mikałajeŭ.

Paśla prachodžańnia raźmieščanaj na pierahonie Biarezina — Babrujsk pryłady kantrolu schodu i vałačeńnia detalaŭ ruchomaha sastavu, jakaja sočyć za habarytami ciahnika, łakamatyŭnaja bryhada atrymała pa radyjosuviazi ad dziažurnaha pa stancyi Babrujsk infarmacyju, što hetaja pryłada spracavała.

U takim vypadku łakamatyŭnaja bryhada abaviazanaja spynić ciahnik i ahledzieć sastaŭ. A kali ničoha strašnaha ŭ im padčas ahladu nie vyjaŭlajecca, to možna jechać dalej. Uvohule vypadki, kali hetaja pryłada spracoŭvaje biez asablivych na toje pryčyn, u zimovy čas niaredkija, bo pamyłku mohuć vyklikać śniežnyja nanosy. 

Pakolki infarmacyju pra spracoŭvańnie pryłady łakamatyŭnaja bryhada atrymała ŭžo pry faktyčnym znachodžańni na stancyi Babrujsk, dzie raskładam praduhledžany dvuchchvilinny prypynak, było vyrašana ahledzieć sastaŭ niepasredna padčas stajanki.

I kali pamočnik mašynista Mikałajeŭ staŭ heta rabić, ahladajučy ciahnik, u adpaviednaści z rehłamientam, z dvuch jahonych bakoŭ, da jaho padyšli supracoŭniki milicyi i zapatrabavali tłumačeńniaŭ, chto jon taki i čym zajmajecca, znachodziačysia na stancyjnych puciach.

Tłumačeńni čyhunačnika milicyjantaŭ nie zadavolili, tamu Mikałajeŭ byŭ prymusova adviedzieny ŭ raźmieščany niepadalok ad budynka vakzała liniejny punkt milicyi. Navat toje, što jon byŭ u čyhunačnaj formie, značeńnia nie mieła.

U vyniku pravierka ciahnułasia paŭhadziny. U časie jaje asoba i miesca pracy Mikałajeva paćvierdzilisia i jaho adpuścili. Za toj čas, jaki zastavaŭsia da Minska, mašynisty zmahli źmienšyć adstavańnie ad hrafika na 15 chvilin, ale ciahnik na kancavuju stancyju ŭsio ž spaźniŭsia.

Kamientary5

  • durdom nie znajet hranic
    19.01.2024
    połnyj pisiec....
  • lipa
    20.01.2024
    Ja ŭvosień prastajała ŭnačy na choładzie, bo ciahnik spaźniaŭsia na 1 hadzinu, a vakzały na małych stancyjach ź viečara zakrytyja. U vyniku praź dzień trapiła ŭ špital z vostrym zapaleńniem, u vyniku jakoha vyrazali pałovu žanočych orhanaŭ biez majoj zhody. A chraničnaje zapaleńnie ŭźnikła ŭ vyniku ŭtrymańnia ŭ izalatary za poŭhoda da hetaha ŭ asablivych dla palityčnych umovach i nieakazańnia miedyčnaj dapamohi. Z-za stresu, u jakim karniki trymajuć palityčnych, niejkich asablivych prablem nie adčuvała, pokul nie zdaryłasia vostraje zapaleńnie. Tak što voś tak trahična moža ŭsio abviarnucca.
  • Vład
    20.01.2024
    lipa, nu pobłahodaritie za eto biełorusov kotoryje v krajnich chatach sidiat i sodieržat diktaturu!

Ciapier čytajuć

Kab doŭha nie stajać na miažy z Polščaj, dziaŭčyna skarystałasia łajfchakam. Vynik: viza zhareła, vandroŭka sapsavanaja5

Kab doŭha nie stajać na miažy z Polščaj, dziaŭčyna skarystałasia łajfchakam. Vynik: viza zhareła, vandroŭka sapsavanaja

Usie naviny →
Usie naviny

U Biełarusi aktyŭna budujuć dziaržaŭnyja majninhavyja fiermy. Jany dapamohuć padniać ekanomiku?7

Cichanoŭski: Paźniak zvarjacieŭ, škada čałavieka140

U Biełarusi ŭviaduć adkaznaść za hiej-prapahandu. Štraf — da 800 rubloŭ5

Maskoŭskaje «Tarpieda», jakoje treniruje biełaruski śpiecyjalist, vyklučyli z Rasijskaj premjer-lihi

U Litvu z terytoryi Biełarusi zalacieŭ niejki aparat. Spačatku padumali — šachied4

Alaksandr Mašenski bolš nie hanarovy konsuł Isłandyi ŭ Biełarusi4

U Kijevie zabity pałkoŭnik SBU. Rasijskija kanały pišuć, što jon zajmaŭsia dyviersijami ŭ Rasii7

Zasnavany biełarusam startap vypuściŭ ŠI-braŭzier

«Kružlaŭ nad Homielem paŭtary hadziny». Što paviedamlali ludzi pra rasijskija drony, što zalacieli padčas načnoj ataki Ukrainy

bolš čytanych navin
bolš łajkanych navin

Kab doŭha nie stajać na miažy z Polščaj, dziaŭčyna skarystałasia łajfchakam. Vynik: viza zhareła, vandroŭka sapsavanaja5

Kab doŭha nie stajać na miažy z Polščaj, dziaŭčyna skarystałasia łajfchakam. Vynik: viza zhareła, vandroŭka sapsavanaja

Hałoŭnaje
Usie naviny →

Zaŭvaha:

 

 

 

 

Zakryć Paviedamić