Kačanava vyhulała na MTZ raskošnuju šubu sa skandynaŭskaj norki
Samaja vysokapastaŭlenaja biełaruskaja čynoŭnica pryjechała da zavadčan raskazvać pra sacyjalnuju spraviadlivaść u šubie da piataŭ.
Kačanava naviedała Minski traktarny zavod, apranutaja ŭ raskošnaje futra, mierkavana, sa skandynaŭskaj norki.
Modnyja pavievy apošnich siezonaŭ kažuć, što zabojstva žyvioł dziela adzieńnia nie adpaviadaje sučasnym standartam humannaści. Ale viatry pieramien prychodziać u Biełaruś sa spaźnieńniem i ŭ našych krajach norkavaje futra ŭsio jašče asacyjujecca z raskošaj.
U śviecie biełaruskaj palityki važna padtrymlivać imidž dastupnaści i blizkaści da zvyčajnych hramadzian — ścipły vobraz dazvalaje zdymać niehatyŭ i lahčej «pradavać» patrebnyja idei elektaratu. U niedalokim minułym biełaruskija «słuhi naroda» adčuvali hetyja miežy i staralisia nie vystaŭlać svajo pryvilejavanaje stanovišča napakaz, ale siońnia, vidać, situacyja źmianiłasia — im užo nie treba zadumvacca pra darečnaść.
Tak, bahatym aŭtfitam Kačanava padkreślivaje razryŭ pamiž svaim stanoviščam u sacyjalnaj ijerarchii i miescam zvyčajnych zavadčan.
Zrešty, moža, čynoŭnica prosta chacieła źviarnuć uvahu na svaju pracavitaść. U zvarocie da rabočych Natalla Ivanaŭna padkreśliła: «Čałaviek pracy pavinien atrymlivać dastojnuju zarabotnuju płatu i razumieć, što ŭ jaho jość sacyjalnyja harantyi».
Mahčyma, šubaj — cana padobnaj u Minsku startuje ad $3500 — jana chacieła pakazać, što pracuje nie pakładajučy ruk i tamu atrymlivaje dobry zarobak.
Praličyłasia Kačanava i z praviłami etykietu: z punkta hledžańnia dziełavoha dres-kodu, aficyjny vizit — nie najlepšaja nahoda, kab kazyrać bahaćciem. Dla padstavaŭ nakštałt naviedvańnia zavoda padyšło b drapavaje palito abo minimalistyčny puchavik.
Najaŭnaść norkavaha futra možna było b apraŭdać mocnymi marazami, adnak u stalicy siońnia było ŭsiaho minus 3, i ŭ futravym chałacie mahło być zaśpiakotna. Ale, kali žančyna žadaje «vyhulać» svoj harderob, prahnoz nadvorja jašče nikoli joj nie pieraškadžaŭ.
Akramia Kačanavaj i inšyja nabližanyja da Łukašenki žančyny pieściać siabie darahimi rečami. A harderob jaho niaviestak sapraŭdy moža vas ździvić.
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU11
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary