U Biełarusi abnavili aŭtamabilnuju aptečku. Źjaviŭsia novy važny elemient
Ministerstvam achovy zdaroŭja 23 listapada 2023 h. pryniata pastanova № 178, jakoj aktualizavany pieraliki aptečak, ich układańniaŭ i paradak kamplektacyi.
Pavodle pastanovy, ciapier u pieraliku aŭtamabilnaj aptečki 12 najmieńniaŭ. Heta:
1) bint miedycynski sterylny pamier 5 m ch 10 sm — 1 štuka;
2) bint miedycynski sterylny pamier 7 m ch 14 sm — 1 štuka;
3) žhut krovaspynialny typu Esmarcha — 1 štuka;
4) lejkapłastyr bakterycydny pamier nie mienšy za 4 sm x 10 sm — 10 štuk;
5) nažnicy atraŭmatyčnyja dla rezki binta i adzieńnia — 1 štuka;
6) koŭdra izatermičnaja 160 sm x 210 sm — 1 štuka;
7) pakiet hipatermičny astudžalny — 1 štuka;
8) pakiet pieraviazačny miedycynski indyvidualny sterylny — 1 upakoŭka;
9) pierakis vadarodu 3% — 40 mł — 1 fłakon;
10) palčatki miedycynskija niesterylnyja — 3 pary;
11) survetka marlevaja miedycynskaja sterylnaja pamier nie mienšy za 10 sm x 10 sm № 1 — 5 štuk;
12) survetka miedycynskaja dla stymulacyi dychańnia (z nasyčeńniem) abo amijak rastvor dla vonkavaha prymianieńnia 100 mh / mł u ampułach 1 mł — 2/2 ampuły / štuki.
Novym elemientam u śpis stała izatermičnaja koŭdra. Takija koŭdry, jakija zvyčajna z adnaho boku pakrytyja sierabrystym materyjałam, a ź inšaha załacistym, pry nizkaj tempieratury źmianšajuć ryzyki pieraachaładžeńnia abo abmaražeńnia, a pry vysokaj źnižajuć šancy atrymać pierahreŭ i apioki.
Pravavy akt ustupaje ŭ siłu 13 studzienia 2024 hoda. Adnak dakumient dapuskaje da 31 śniežnia 2024 hoda vytvorčaść i realizacyju aptečak, ukamplektavanych pa starych praviłach. Taksama vykarystańnie aptečak z raniejšym napaŭnieńniem dazvolena da zakančeńnia terminu prydatnaści.
«Naša Niva» — bastyjon biełaruščyny
PADTRYMAĆCiapier čytajuć
Ź psichbalnicy źbieh były načalnik Hancavickaj milicyi13
Ź psichbalnicy źbieh były načalnik Hancavickaj milicyi
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary