Napiaredadni pažaru na składzie Wildberries pad Pieciarburham adbyłasia panažoŭščyna dvuch bambiłaŭ
Na składzie prajšli masavyja pravierki siłavikoŭ.
U noč z 10 na 11 studzienia niepadalok ad Maskoŭskaj šašy ŭ Sankt-Pieciarburhu adbyłasia masavaja bojka. Hramadzianin Tadžykistana chacieŭ stać la składa Wildberries, ale jamu admovili — niekalki hramadzian Azierbajdžana pakazali mužčynu, što heta «ich» miesca i stajać tut zabaroniena, paviedamlaje Baza.
Słoŭnaja svarka pierajšła ŭ bojku, a zatym i panažoŭščynu — pa danych krynicy, tadžyk nanios azierbajdžancu niekalki ŭdaraŭ nažom (paciarpiełaha špitalizavali, napadnik taksama źviarnuŭsia ŭ lakarniu).
Palicyja zaviała kryminalnuju spravu pa artykule ab naŭmysnym pryčynieńni ciažkaj škody zdaroŭju, adnak, akramia paciarpiełych padčas bojki, «dastałasia» i supracoŭnikam składa markietpłejsa — paśla sutyčki bambiłaŭ da składa na Maskoŭskaj šašy pryjechali aŭtazak i supracoŭniki palicyi. Usie supracoŭniki markietpłejsa patrapili pad pravierku.
Kamientary