Navošta na naradach Łukašenki šklanki z vadoj nakryvajuć nakryŭkami?
Adkaz na hetaje pytańnie moža vas ździvić.
Luboje pratakolnaje mierapryjemstva padobnaje da šachmatnaj partyi: za ŭsimi fihurami na došcy zamacavana svajo asablivaje miesca i ruchacca jany mohuć vyklučna pradkazalnym sposabam. Narady Łukašenki ź biełaruskimi čynoŭnikami — nie vyklučeńnie. Usio — ad rassadki ŭdzielnikaŭ da taho, jak arhanizavany stoł pieramovaŭ — maje vialikaje značeńnie.
Jakija miescy za stałom zojmuć čynoŭniki, uzhadniajecca zahadzia. Zvyčajna bližej za ŭsio da Łukašenki siadziać jahonyja davieranyja asoby. Naprykład, hanarovaje miesca pobač ź im niaredka dastajecca staršyni Savieta Respubliki Natalli Kačanavaj.
Padčas pracy ŭdzielniki sustrečy mohuć pačastavacca vadoj. Na stoł jaje padajuć u zakrytych butelkach: ich staranna pracirajuć ad pyłu i adkarkoŭvajuć tolki za 5-15 chvilin da prychodu čynoŭnikaŭ. Takoje praviła abumoŭlena patrabavańniami biaśpieki — adkarkavanyja butelki nikoli nie pavinny zastavacca biez uvahi.
Usie biezałkaholnyja napoi zahadzia astudžajuć da 10-12 hradusaŭ. Vyklučeńniem jość minieralnaja vada «Baržomi», jakuju pryniata trochi padahravać.
Ale čaściej za ŭsio vada na pasiadžeńniach urada niehazavanaja. Jaje raźlivajuć pa kruhłych šklankach z toŭstym dnom — heta adbyvajecca taksama niezadoŭha da pačatku mierapryjemstva. Kab pamienšyć huk sudotyku šklanki z draŭlanaj pavierchniaj stała, jaje staviać na padstaŭku abo survetku.
Posud napaŭniajuć vadoj na ⅔ i potym nakryvajuć jaho śpiecyjalnym papiarovym viečkam. Hetaja tradycyja źjaviłasia nie adno dziesiacihodździe tamu i taksama źviazanaja z tryvohaj ab zdaroŭi prysutnych. Ličycca, što taki chod nie dazvolić padmiašać atrutu ci inšyja preparaty ŭ napoi važnych haściej.
Ale časta hetaje praviła tłumačać bolš prazaična — tak u vadu nie zmoža trapić pył i inšyja niepatrebnyja elemienty.
Cikava, što zvyčajna šklanki z napojami staviać na adlehłaści sahnutaj ruki hościa, ale słužba pratakoła Łukašenki hrebuje hetym patrabavańniem. Jana stavić šklanki zanadta daloka — tak, kab u vypadku smahi čynoŭniku daviałosia b usim ciełam ciahnucca za vadoj. Zrazumieła, praz heta prysutnyja zmušanyja abychodzicca biez vadkaściaŭ, što robić ich znachodžańnie na naradach niekamfortnym.
Časam takija «praliki» robiacca śpiecyjalna — kab padkreślić status hałoŭnaha čałavieka i ŭ čarhovy raz pakazać haściam ich miesca.
Ciapier čytajuć
Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi47
Kamientary
voś i sapraŭdy - navošta nakryŭkami? łustaj by chleba nakryć... jak na... nu vy zrazumieli