Vydańniu Reform.by udałosia daviedacca niekatoryja dadatkovyja padrabiaznaści pra zatrymanuju ŭ Polščy Darju Astapienku, jakaja padazrajecca ŭ supracy z KDB. I hetyja padrabiaznaści davoli pikantnyja.
U kancy 2022 hoda ŭradženka Baranavič dała intervju miascovamu vydańniu Intex-press. Tam jana pryznavałasia, što być jarkim u Baranavičach «maralna składana».
«Mianie zaŭsiody pryciahvała jarkaja i niezvyčajnaja źniešnaść. Jašče budučy padletkam, ja ŭvieś čas farbavała vałasy ŭ jarki koler, zaplatała sabie dredy i sieniehalskija koski, adčuvała słabaść da tatuirovak… u nas dzika nietalerantnyja i nietaktoŭnyja ludzi. Šery natoŭp, zaŭvažyŭšy kahości jarkaha i niezvyčajnaha, tut ža biarecca jaho abmiarkoŭvać, tyckać u jaho palcam, a byvaje, i abrazić», — padzialiłasia žančyna z aŭtaram artykuła.
Darji tady jašče było 35 hadoŭ i jana dazvoliła apublikavać vydańniu jaje fota. Taksama jana raskazała, što zrabiła pieršuju tatuiroŭku ŭ 23 hady, a zatym «zapaŭniała» svajo cieła ŭsio novymi i novymi malunkami.
Dziakujučy tatuiroŭkam, u sietcy Darju možna apaznać pa fota ŭ samych roznych situacyjach — jana sprabavała siabie ŭ davoli žorstkim porna, prajaŭlała siabie na OnlyFans, prapanoŭvała eskort-pasłuhi.
Nakolki surjozna jana zajmałasia hetym biznesam, mierkavać składana, ale, napeŭna, na jaje aktyŭnaść u siecivie mahli źviarnuć uvahu nie tolki žurnalisty, ale i siłaviki.
U Biełarusi zdymka ŭ porna ci prastytucyja — kryminalna karalnaja dzieja. Navat publikacyja takich fota i videa moža stać padstavaj dla represij. Tamu, jak miarkuje Reform.by, Darja mahła być vielmi ŭraźlivaja dla viarboŭki.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»25
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary
ti jak vas tam?