U škole Minskaj vobłaści nie aciaplajuć, ale zaniatkaŭ nie admianiajuć. Čynoŭniki prydumali dla dziaciej lepšaje
U adnym z rajonaŭ Minskaj vobłaści škoła nie aciaplajecca ŭžo niekalki dzion praz avaryju na kacielni, piša Kułuary KYKY.
Siońnia rankam tempieratura na vulicy była -18°, a ŭ kłasach — ad +6°C da +8°. Na zaniatkach dzieci i nastaŭniki siadziać u kurtkach, bo, pa infarmacyi vydańnia, čynoŭniki nie dazvolili admianić uroki, «kab nie parušać navučalnaha pracesu».
Zamiest hetaha ŭ škole skaracili čas pieramienaŭ pamiž urokami — kab dzieci pajšli dadomu krychu raniej.
U Biełarusi škoły mohuć zakryvacca pry -25°S i vietry bolšym za 3 m/s, pa rašeńni miascovych vykanaŭčych i rasparadčych orhanaŭ ułady.
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku44
Kamientary