Mierkavańni66

Lavon Volski: Ja vydatna razumieju chłopcaŭ z Nizkiz, bo žyŭ takim žyćciom nie adzin hod

«Kali žyvieš u Biełarusi, instynkt samazachavańnia prytuplajecca». Lavon Volski ŭ svaim fejsbuku razvažaje pra situacyju vakoł zatrymańnia muzykaŭ.

«Siadziš na zdymnaj (svajoj) kvatery, niečym zajmaješsia, robiš vyłazki ŭ hipiermarkiet, na repietycyju. Razumieješ, što ŭ luby momant ciabie mohuć uziać «za byłyja zasłuhi» (ich bolej čym dastatkova), ale, nibyta, usio cicha», — piša ŭ svaim fejsbuku Lavon Volski.

Tak minajuć hady — na radzimie ty asabliva nie adśviečvaješ, a jak vybiraješsia za miažu — tut užo pačynajecca paŭnavartasnaje žyćcio — fiejeryčnyja kancerty, intervju, šopinh, pachod pa złačnych miescach ź siabrami… Viartaješsia dadomu — i znoŭ — zalahaješ na dno ŭ vioscy na tydzień, pryjazdžaješ u horad, jedzieš u kramu pa pradukty, ciahnieš ich na svoj piaty pavierch.

Tryvažnavata, ale ty pryzvyčaiŭsia da hetaje lohkaje tryvohi, bo tak žyvieš nie adzin hod. Usio padkazvaje, što treba źjazdžać, ale ty ž lubiš heta ŭsio — svoj (a jon ža ž tvoj, praŭda?) horad, hetyja vulicy, płoščy i skviery, hetuju viosku (jana ž taksama tvaja?), chatu i viarbu za aknom, jakaja vyrasła z maleńkaje kaścielnaje halinki, jakuju ty pasadziŭ tut piatnaccać hadoŭ tamu. Nu, jak usio heta kinuć?

I što tam, za miažoju, rabić? Tut choć niejkija karparatyvy jość, a tam što? Nieviadomaść? Niejak nie vielmi jano ŭjaŭlajecca — usio kinuć i jechać u hetuju chałodnuju nieviadomaść. Tamu — chaj usio zastajecca pakul jak jość, a tam pahladzim.

I kali prychodzić hetaje tam, ty čamuści zusim da jaho nie hatovy, i hladzieć užo niama kudy — adno ŭ žyvielnavata-hopnickija vočy hubazikaŭca dy abjektyŭ smartfona, zamacavanaha na prafiesijnym štatyvie, adcisnutym u adnoj niezaležnaj telestudyi…

Ludzi zastajucca ŭ Biełarusi. Z roznych nahodaŭ. Čaściakom sam sabie nie možaš patłumačyć čamu. Kali hladzieć na ŭsio heta z-za miažy — adrazu vidać: realnaja śmiarotnaja niebiaśpieka! A kali ty ŭ RB, dyk niejak hetaje pačućcio, hety instynkt samazachavańnia prytuplajecca.

I ja vydatna razumieju chłopcaŭ z Nizkiz, bo žyŭ takim žyćciom nie adzin hod.

Tryvałaści vam, chłopcy! Viery i vytrymki! My z vami!

Kamientary6

  • biełaruska ŭ Biełarusi
    08.01.2024
    heta napraŭdu tak.
  • Jazep
    08.01.2024
    Spadar Volski mieŭ racyju ŭ bolš viehietyrianskija časy, kali režym prosta pieraškadžaŭ biełaruskim vykanaŭcam vystupać rukami Dryhi pry dapamozie h.z. hastrolnych paśviedčańniaŭ (pa sutnaści instrumienta antykanstytucyjnaj cenzury na hastrolnyja kancerty).
    Zaraz časy adkrytaha teroru. Tamu łukašyzm padobny šalonamu Saturnu, pažyrajučamu svaich dzietak, što z karciny Hojia, i źniščaje ŭsio, što navat vielmi sukosna pahražaje jaho insavańniu - u t.ł. i biełaruskuju kulturu. Naturalna, što adnačasova režym baicca čapać navat samyja adyjoznyja prajavy ruskaha śvietu kštałtu Bondaravaj, bo tyja znachodziacca pad abaronaj kramlu.
    Tamu nie ździŭlaje, kali nieŭzabavie pryjduć za VAL, Vajciuškievičam, Niaklajevym i navat pa "Drazdy", ab jakich stanoŭča vykazaŭsia Paźniak
  • Tak
    08.01.2024
    Dobryja słovy padtrymki! I razumieńnie!

Ciapier čytajuć

«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ

«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ

Usie naviny →
Usie naviny

Padčas vizitu Patryjarcha Kiryła na minskaj Niamizie paralizavała ruch VIDEA9

Fatohraf-ahient Miščuk nie pamiataje, jak rabiŭ svoj zdymak na pašpart prykryćcia. I jašče šmat što nie pamiataje9

Na vystavie «Biełahra» pieramoh Pryhožyn2

Pucin upieršyniu prakamientavaŭ padryŭ mosta, jaki abrynuŭsia na ciahnik u Branskaj vobłaści7

SBU apublikavała novyja kadry z dronaŭ, što bili pa aeradromach Rasii. Usio ž A-50 paškodžanyja taksama2

Biełaruska pakazała, što zmahła nabyć u «Jeŭraopcie» za 50 rubloŭ6

Pamierła Alaksandra Čarniaŭskaja

Prapahandysty zajavili pra zatrymańnie miadzielskaha muzyki, pra jakoha pisała Bondarava2

Francuzski tyktokier pryhatavaŭ biełaruskuju babku pad pieśniu Karža — i vyklikaŭ sprečku ab prynaležnaści Branska2

bolš čytanych navin
bolš łajkanych navin

«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ

«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić