«U Isłandyi jość praviła, jakomu mahła b pazajzdrościć navat chunta ŭ Biełarusi»
Biełaruś nie adzinaja kraina Jeŭropy, dzie niama abmiežavańnia kolkaści prezidenckich terminaŭ. Toje ž samaje ŭ Isłandyi, piša ŭ fejsbuku žurnalist Dźmitryj Hurnievič.
Tam jość i praviła, jakomu mahła b pazajzdrościć navat chunta ŭ Biełarusi.
Kali isłandski prezident źbirajecca vyłučacca na čarhovyja vybary, a inšych achvotnych pazmahacca za hetuju pasadu niama, to vybary prosta nie pravodziacca. Prezident tady aŭtamatyčna pačynaje čarhovy prezidencki termin. Takoje byvała nia raz.
Ciapier tam kiruje Hviudni Joŭchansan. Nieŭzabavie skončycca jaho druhi termin. Padčas pieršaha sacyjałahičnaha apytańnia davali jamu 97% padtrymki. Na apošnich vybarach za jaho prahałasavała 92,2% hramadzian Isłandyi.
Da taho jak stać prezidentam Joŭchansan pracavaŭ u Isłandskim univiersitecie. Jon historyk, jahonaja tema — sučasnaja historyja Isłandyi. Žonka Joŭchansana Eliza Džejn Ryd — z Kanady. Jana žurnalistka i piśmieńnica. U ich z Hviudni čaćviora dziaciej.
Kab zrazumieć, što za prezidenta mieli isłandcy — dastatkova dvuch faktaŭ. Jon admoviŭsia zaćvierdzić pavyšeńnie zarobku na 20% samomu sabie i pryniaŭ rašeńnie adličvać 10% zarpłaty na dabračynnyja mety.
Samarekłama i pijar, kab spadabacca elektaratu i kiravać biaskonca? Jašče čaho. Hviudni Joŭchansan akurat abviaściŭ, što paśla dvuch terminaŭ bolš nie choča być prezidentam.
Cikavy fakt pra Isłandyju: u krainie jość tolki adzin sudmiedekśpiert, i jon karystajecca šalonym popytam u piśmieńnikaŭ
Tinder z pravierkaj na incest, sieladziec u cukry i batuty, jakija mohuć prylacieć na hałavu. Biełaruska raskazała pra žyćcio ŭ Isłandyi
«Luby narmalny čałaviek byŭ by ŭ šoku». Biełaruska pierabrałasia ŭ Isłandyju i raspaviała, jak tam žyviecca
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary