Na sajcie BiełTA raźmiaścili infarmacyju pra «karnikaŭ, jakija adbirajuć damien Tut.by», i žart pra haračyja foty z karparatyvu dziaržaŭnaha ahienctva.
Sajt vyhladaŭ voś tak:
Ciapier jon niedastupny.
Paviedamlajecca, što ŭzłamanaja ŭnutranaja sietka i asnoŭnyja sajty.
Kibierpartyzany śćviardžajuć, što:
— paškodžanyja damien-kantrolery;
— vypampavana 90 Hb danych (unutranyja dakumienty, buchhałteryja, asabistyja danyja supracoŭnikaŭ);
— začyščana ŭsia buchhałteryja, pracoŭnyja stancyi, archivy, bekapy, sierviery veb-sajtaŭ.
Kibierpartyzany paviedamlajuć, što ataku pačali 29 śniežnia.
«Zvyčajna ataka ŭnutranaj sietki arhanizacyi raspracoŭvajecca ad niekalkich tydniaŭ da miesiacaŭ. Ale, pa našaj infarmacyi, sietku BiełTA ŭžo raniej chtości sprabavaŭ šyfravać, tolki nie davioŭ spravy da kanca. My viedali, što z tych časoŭ «dzirak» u sietcy tak i nie likvidavali, i vyrašyli skarystacca hetym.
Supracoŭniki BiełTA nie vykonvajuć navat minimalnych praviłaŭ kampjutarnaj biaśpieki i infarmacyjnaj hihijeny. Naprykład, jany karystalisia pirackim softam i sistemami. Tamu lohka padchapili našy «kibierbombački» i panieśli vialikija straty», — pišuć Kibierpartyzany.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary