U minskaje «Dynama» ŭziali pracavać chakieista, jaki paśla traŭmy trapiŭ u invalidnaje kresła. U hetym Baskaŭ pabačyŭ nahodu vysłužycca pierad Łukašenkam
Kłub abjaviŭ pra dałučeńnie 29-hadovaha Mikity Jermačkova ŭ jakaści skaŭta. Letaś padčas hulni jon atrymaŭ žudasnuju traŭmu, jakaja pastaviła kryž na jahonaj karjery.
Jermačkoŭ zajmaŭ takuju ž pasadu ŭ fiederacyi chakieja Biełarusi, ciapier budzie sumiaščać pracu ŭ zbornaj i ŭ kłubie.
Navinu prakamientavaŭ były staršynia FCHB Dźmitryj Baskaŭ, jaho ŭ tekście nazyvajuć prosta «sienatar»:
«Chakiejnaja supolnaść — heta nie tolki sukupnaść prafiesijanałaŭ, abjadnanych adnym zaniatkam, heta sapraŭdnaja siamja, dzie niama miesca abyjakavaści i dzie, jak nas vučyć naš prezident, kožny padtrymlivaje kožnaha, niezaležna ad supraćstajańnia na chakiejnaj placoŭcy».
Mikita Jermačkoŭ atrymaŭ traŭmu 9 sakavika 2022 hoda padčas hulni suprać «Junactva». 27-hadovy abaronca navapołackaha «Chimika» raspačynaŭ ataku svajoj kamandy i zrabiŭ pieradaču, ale paśla hetaha nie ŭtrymaŭ raŭnavahu i na vysokaj chutkaści ŭlacieŭ śpinaj u bort areny.
Paśla hetaha chłopiec nie zdoleŭ sam stać na nohi i pakinuŭ ladovuju placoŭku na nasiłkach. Mikitu advieźli ŭ RNPC traŭmatałohii i artapiedyi, dzie pastavili dyjahnaz: pierałom pazvanka hrudnoha adździeła chrybta, udar śpinnoha mozhu, čerapna-mazhavaja traŭma, strasieńnie hałaŭnoha mozha, nižniaja paraplehija (paralič nižnich kaniečnaściaŭ) i niekatoryja spadarožnyja paškodžańni.
Chłopiec trapiŭ u adździaleńnie reanimacyi i ŭ hety ž dzień prajšoŭ praz składanuju apieracyju. Dva tydni Mikita pravioŭ u špitali, paźniej byŭ vypisany i raspačaŭ reabilitacyju.
Jak valsiravali Dźmitryj Baskaŭ i Natalla Ejsmant na navahodnim bali Łukašenki
Z rasijskim chakiejnym kłubam padpisaŭ kantrakt 50-hadovy hulec. Niekali jon pryvoziŭ u Biełaruś Kubak Stenli
«Trenier niadaŭna viarnuŭsia z Danbasa, naš pacan». Dzie i z kim trenirujucca Lebiedzieva, Łanskaja i inšyja łukašysty
Kamientary