Biełaruskamu chakieistu źbirajuć hrošy na reabilitacyju paśla traŭmy
Siamja Mikity Jarmačkova, eks-hulca chakiejnaha navapołackaha «Chimika», abviaściła pra zbor hrošaŭ na adnaŭleńnie chłopca paśla ciažkaj traŭmy. Hulec trapiŭ u invalidnuju kalasku paśla adnaho z matčaŭ.
Rodnyja biełaruskaha chakieista Mikity Jarmačkova abviaścili pra terminovy zbor srodkaŭ na reabilitacyju spartsmiena paśla ciažkaj traŭmy. Paviedamleńnie pra heta źjaviłasia na admysłova stvoranaj staroncy ŭ Instagram.
Mikita atrymaŭ traŭmu 9 sakavika hetaha hoda padčas pieršaj hulni čverćfinała sieryi płej-of «Kubka prezidenta» suprać «Junactva». 27-hadovy abaronca navapołackaha «Chimika» raspačynaŭ ataku svajoj kamandy i zrabiŭ pieradaču, ale paśla hetaha nie ŭtrymaŭ raŭnavahu i na vysokaj chutkaści ŭlacieŭ śpinaj u bort areny.
Paśla hetaha chłopiec nie zdoleŭ sam stać na nohi i pakinuŭ ladovuju placoŭku na nasiłkach. Mikitu advieźli ŭ RNPC traŭmatałohii i artapiedyi, dzie pastavili dyjahnaz: pierałom pazvanka hrudnoha adździeła pazvanočnika, udar śpinnoha mozha, čerapna-mazhavaja traŭma, strasieńnie hałaŭnoha mozha, nižniaja paraplehija (paralič nižnich kaniečnaściaŭ) i niekatoryja spadarožnyja paškodžańni.
Chłopiec trapiŭ u adździaleńnie reanimacyi i ŭ hety ž dzień prajšoŭ praz składanuju apieracyju. Dva tydni Mikita pravioŭ u špitali, paźniej byŭ vypisany i raspačaŭ reabilitacyju.
Siamja chakieista ŭžo sabrała 2500 jeŭra, nieabchodnyja dla nabyćcia Mikicie invalidnaj kalaski. Ciapier rodnyja chłopca viaduć pieramovy z univiersiteckaj klinikaj niamieckaha Frajburha, dzie Jarmačkoŭ moža atrymać reabilitacyju, i ŭ bližejšyja dni čakajuć ad kliniki rachunak na jaje.
Kab dapamahčy chłopcu, možna pieraličyć hrošy na numar telefona +375(33)3403735 MTS ci skarystacca bankaŭskimi rekvizitami dla dapamohi (Biełarusbank):
— BY78 AKBB 3134 0000 0134 5007 0000 (BYN)
— BY60 AKBB 3134 1000 0072 2007 0000 (USD)
— BY98 AKBB 3134 2000 0063 2007 0000 (EUR)
— BY71 AKBB 3134 3000 0061 1007 0000 (RUB)
«Naša Niva» — bastyjon biełaruščyny
PADTRYMAĆSankcyi ŭ chakiei — vitańnie tym aptymistam u biełaruskim sporcie, chto dumaŭ, što «heta nienadoŭha»
«Mianie abšukali ŭ 8:30 ranicy». Były pres-sakratar chakiejnaha «Dynama» paraŭnaŭ, jak hladziać sport prezident Litvy i Łukašenka
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary
U centry sacyjalnaha absłuhoŭvańnia nasielnictva jamu i kalasku daduć, i čobaty z humanitarki.