Siabroŭka pra zabituju ŭ Mjanmie biełarusku: Jana była vielmi naiŭnaja i ščyra vieryła ŭ ludziej
Viera Kraŭcova, jakuju zabili ŭ Mjanmie pry sprobie ŭładkavacca madellu, šukała lepšaha žyćcia, bo ź dziacinstva sutykałasia ź ciažkaściami.
Siabroŭka raspaviała vydańniu «Abzac», što Viera, choć i naradziłasia i rasła nie ŭ samym dobrym rajonie Minska, była dobrym, pazityŭnym čałaviekam.
«U jaje niejkaje lutaje žyćcio było. Ja pra siamju, napeŭna, padrabiaznaściaŭ raskryvać nie budu, ale było ciažka. Z rańniaha dziacinstva pačała pracavać, to ŭ hramadskim charčavańni, to ŭ śfiery pasłuh», — skazała siabroŭka zahinułaj.
Hałoŭnaj maraj Viery było adkryć kaviarniu ŭ Kitai. Adnak ažyćciavić jaje dziaŭčynie nie atrymałasia.
«Jana šukała lepšaha žyćcia ŭ materyjalnym sensie. Kitaj joj jak taki nie padabaŭsia, ale tam dobra płacili. Nasamreč Viera była vielmi naiŭnaja. Kali pra vykradańnie praŭda, dyk heta, chutčej, ad hłupstva i ščyraha davieru da ludziej», — dadała surazmoŭca.
Jana ŭdakładniła, što apošni raz razmaŭlała ź joj 4 žniŭnia, ale paśla suviaź ź dziaŭčynaj źnikła. Niahledziačy na heta, siabroŭka dahetul nie choča vieryć u hibiel Viery i choča dumać, što jana zastajecca ŭ rabstvie, ale žyvaja.
***
Suviaź ź Vieraj źnikła 4 kastryčnika. Pa infarmacyi z rasijskich kanałaŭ, jakija cytavali niejkuju jaje znajomuju rasijanku z Čyty, baćkam Viery spačatku paviedamili, što dziaŭčyna zahinuła, i patrabavali za jaje cieła $500 tysiač. A praź niekalki dzion skazali, što dziaŭčynu kremiravali. Nibyta jana była ŭ Tajłandzie, ale jaje advieźli ŭ skam-centr u Mjanmie, dzie pradali na orhany.
Biełaruskaje pasolstva ŭ Vjetnamie arhanizavała pošukavyja mierapryjemstvy pry sadziejničańni siłavych i dypłamatyčnych struktur krain Vjetnama i Tajłanda. Da apieracyi taksama byli padklučanyja aparaty hanarovych konsulstvaŭ Respubliki ŭ Janhonie i Banhkoku.
Učora stała viadoma, što Vieru Kraŭcovu znajšli miortvaj, pra heta paviedamiła krynica rasijskaha telekanała «Rien TV». Pavodle papiarednich źviestak, śmierć nasiła kryminalny charaktar.
Kamientary
Hłuposť v 26 let,a tiem boleje iskrieńnieje dovierije k ludiam…eto kak voobŝie? Siebia prodavať (i ochraniať) nado umieť,fakt.
i nahadaju, rassyłka intymnych fatazdymkaŭ biez zhody — złačynstva, i karajecca zakonam ŭ luboj narmalnaj jurysdykcyi (kali vy kaniešnie nie z kamiennaha stahodździa pišacie).