Pasoł u Vatykanie Ambrazievič kułuarna sustrakajecca ź jeŭrapiejskimi dypłamatami, kab prarvać izalacyju Minska ŭ Jeŭropie
Byłoha namieśnika ministra zamiežnych spraŭ pryznačyli adkaznym za niefarmalnyja kantakty z zachodniejeŭrapiejskimi dypłamatami. Jamu daručana pakazać, što Biełaruś adroźnivajecca ad Rasii, piša Reuters.
Pasoł Biełarusi pry Śviatym Pasadzie Juryj Ambrazievič pravioŭ niefarmalnyja sustrečy z zachodniejeŭrapiejskimi dypłamatami. Jany ličać heta krokam, skiravanym na źnižeńnie izalacyi Minska paśla paciapleńnia adnosin z Vašynhtonam.
Ambrazievič imknuŭsia pieradać paviedamleńnie ab tym, što Biełaruś sprabuje vyjści sa svajoj palityčnaj izalacyi i mahła b adyhrać rolu ŭ pošuku šlachoŭ dla mirnaha ŭrehulavańnia pamiž Rasijaj i Ukrainaj, a taksama ŭ budučych pieramovach pa jeŭrapiejskaj biaśpiecy, paviedamiŭ dypłamat.
Biełaruskaje pasolstva ŭ Paryžy, dzie Ambrazievič taksama akredytavany jak pasłaniec pry JUNIESKA, nakiravała pa elektronnaj pošcie ŭ kancy vieraśnia zaprašeńnie misijam šerahu jeŭrapiejskich krain sustrecca ź im.
U elektronnym liście havaryłasia, što Ambrazievič «ciapier niefarmalna adkazny za kaardynacyju biełaruskich dypłamatyčnych kantaktaŭ u stalicach Zachodniaj Jeŭropy» i zaprašaŭ na sustrečy ŭ Paryžy 6, 8 abo 9 kastryčnika.
Biełaruskaje pasolstva paviedamiła Reuters, što Ambrazievič «zaprasiŭ na niekalki sustreč svaich kaleh-pasłoŭ, akredytavanych u Francyi, u adpaviednaści sa standartnaj dypłamatyčnaj praktykaj».
Try inšyja jeŭrapiejskija dypłamaty paćvierdzili, što ich krainy atrymali zaprašeńni i što niekatoryja krainy pahadzilisia sustrecca z Ambrazievičam.
«Ja dumaju, jany adčuvajuć, što ciapier z Trampam adkryłasia akno, kab damahčysia źniaćcia sankcyj, tamu jany karystajucca hetym», — skazaŭ adzin z dypłamataŭ.
Dvoje dypłamataŭ apisali zvarot da jeŭrapiejcaŭ jak «šarm-afiensivu» (sprobu pryčaravać — NN), jakaja sprabuje skarystacca zbližeńniem Trampa i prademanstravać, što Minsk nie całkam zaležyć ad Maskvy.
«Jany kažuć, što nie chočuć eskałacyi kanfliktu, tamu ciapier chočuć mieć adkrytuju liniju abmierkavańnia ź inšymi dziaržavami i padkreślić svaje adroźnieńni ad Rasii», — skazaŭ adzin z dypłamataŭ.
Amierykanskija čynoŭniki kažuć, što administracyja Trampa spadziajecca choć častkova vyvieści Biełaruś z hieapalityčnaj arbity Maskvy. Ale niekatoryja jeŭrapiejcy ličać heta małavierahodnym, uličvajučy vialikuju zaležnaść Łukašenki — palityčnuju, ekanamičnuju i vajennuju — ad jaho značna bolšaha susieda.
Adzin ź jeŭrapiejskich dypłamataŭ, jaki paćvierdziŭ zaprašeńnie sustrecca z Ambrazievičam, uspryniaŭ hety krok skieptyčna, adznačyŭšy niaźmiennuju padtrymku Pucina z boku Łukašenki. Dypłamat skazaŭ, što adrazu paśla vyzvaleńnia źniavolenych u vieraśni ŭ Biełarusi byli aryštavanyja novyja fihury apazicyi.
Juryj Ambrazievič maje ŭstojlivuju reputacyju jastraba navat pa mierkach łukašenkaŭskaha aparata.
Ciapier čytajuć
Ministr suviazi: Abmiežavańni mabilnaha internetu zakranuć 1,7 miljona biełarusaŭ9
Kamientary
Pryjemna, što Zachad heta ŭśviedamlaje. Taksama pryjemna, što Zachad pamiataje najnoŭšuju historyju: usie sproby «pieraciahnuć łuku» zakančvalisia niaźmiennym fijaska – ekanomika jak była hadami aryjentavanaja na maskoviju, tak i aryjentavanaja, łukašyzm jak karystaŭsia hetymi łaziejkami kab maskovii dapamahać abychodzić sankcyi, tak i dapamahaje. Nu i sama navina vielmi karysnaja: jana dakazvaje, što napłyŭ u vašyja kamentary abo ŭ reakcyi Telehramu trampiscka-faksavaj ajci-roty – heta nievypadkovaść, bo hetyja ŭporatyja boty taratorać absalutna synchronna.
P. S. Na miescy redakcyi NN ja b zadumaŭsia nad tym, kab publikavać padobnyja naviny pozna ŭviečary i biez afišavańnia na Telehramie. Bo rabočy čas jak by, ajci-rota vam jak zaŭždy ŭsio zahadzić sotniaj łajkaŭ.
i čieho tolko nie pridumajut za kazannyj sčiet..