17 kastryčnika Alaksandr Łukašenka padpisaŭ zakon «Ab źmianieńni zakonaŭ pa pytańniach vydačy pazyk».
Zdymak ilustracyjny
Novy dakumient, jak zajaŭlena, nakiravany na abaronu majomasnych pravoŭ hramadzian, jakija biaruć abo dajuć u doŭh hrošy. Jon unosić karektyvy ŭ Hramadzianski kodeks, a taksama ŭ zakony «Ab valutnym rehulavańni i valutnym kantroli» i «Ab rekłamie».
Asnoŭnyja pałažeńni zakona:
- Zabaraniajecca vydavać pazyki fizičnym asobam tym arhanizacyjam, jakija nie źjaŭlajucca mikrafinansavymi (vyklučeńnie — pazyki svaim rabotnikam);
- Zabaraniajecca vykarystoŭvać adzinaje žyłoje pamiaškańnie u jakaści zakładu pa dahavory pazyki;
- Nielha davać pazyki ŭ zamiežnaj valucie abo ŭ jaje ekvivalencie (za vyklučeńniem pazyk pamiž blizkimi svajakami);
- Uvodziacca abmiežavańni na pracentnyja staŭki i pamier štrafaŭ, pieni i nieŭstojki, jakija mohuć spahaniacca pa damovach pazyk.
Zakon ustupić u siłu praz šeść miesiacaŭ paśla jaho aficyjnaha apublikavańnia.
Kamientary