U Homieli šmatdzietnaja mama stała naradžać prosta padčas navahodniaha ranišnika ŭ škole
Rody pad jalinkaj. Hamialčanka Kaciaryna pryjšła z tryma dziećmi na navahodni ranišnik i… naradziła čaćviortaha.
Nieardynarny navahodni padarunak staŭ poŭnaj niečakanaściu i dla mamy, i dla ŭsich haściej śviata, uklučajučy Dzieda Maroza i Śniahurku, piša «Homielskaja praŭda».
Ranišnik pravodziŭsia ŭ homielskaj siaredniaj škole № 19, heta była respublikanskaja akcyja «Našy dzieci» — sapraŭdnaje śviata dla dziaciej i darosłych arhanizavaŭ «Biełahraprambank».
Udzieł u im taksama ŭziali pradstaŭniki administracyi Centralnaha rajona.
U liku zaprošanych akazałasia i siamja Babičavych, mama z tryma dziećmi. Kaciaryna znachodziłasia na poźnim terminie ciažarnaści.
Mahčyma, emacyjny ŭzdym padčas uračystaści i asablivaja navahodniaja atmaśfiera adyhrali svaju rolu. U žančyny pačalisia schvatki.
Niejki čas hości śviata, viadoma, byli ŭ zamiašańni. Ale ŭsio ž zaryjentavalisia i vyklikali chutkuju. A voś miedyki ŭžo nie marudzili, prymčalisia chutka.
Užo ŭ radzilnym domie na śviet źjaviŭsia čarhovy hamialčuk. Chłopčyk.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie1
Kamientary