Ekanomika88

Ministerstva pracy pašyryła śpis prafiesij, pa jakich u Biełarusi zmohuć pracavać inšaziemcy

Ministerstva pracy i sacyjalnaj abarony Biełarusi pašyryła śpis prafiesij, pa jakich naleta zmohuć pracavać u Biełarusi inšaziemcy. Adpaviednaja pastanova nabyvaje moc 1 studzienia 2024 hoda, paviedamlaje pres-słužba viedamstva.

Fota ilustracyjnaje

Novy śpis uklučaje ŭ siabie 20 prafiesij rabočych i 15 pasad słužboŭcaŭ, na jakija zamiežnyja hramadzianie abo asoby biez hramadzianstva ŭ 2024 hodzie zmohuć uładkavacca ŭ Biełarusi ŭ sproščanym paradku — tolki paviedamiŭšy orhanam unutranych spraŭ.

Atrymlivać śpiecyjalny dazvoł im nie spatrebicca. U papiarednim śpisie takich prafiesij było tolki 5.

Ciapier u hety pieralik uklučyli nastupnyja prafiesii:

  • miedycynskija rabotniki (doktar-śpiecyjalist, pamočnik doktara pa ambułatorna-palikliničnaj dapamozie, akušerka, miedsiastra, sanitar(ka),

  • sielskahaspadarčyja prafiesii (ahranom, traktaryst-mašynist sielskahaspadarčaj vytvorčaści, apieratar mašynnaha dajeńnia, vieterynarny doktar, vieterynarny fielčar, zaatechnik, žyviołavod),

  • inžynier, inžynier-kanstruktar, inžynier-prahramist, inžynier-technołah, inžynier-enierhietyk, inžynier-miechanik,

  • budaŭničyja prafiesii (bietonščyk, mular, malar, ciaślar, tokar, tynkoŭščyk, frezieroŭščyk, elektrahazazvarščyk, elektramancior pa ramoncie i absłuhoŭvańni elektraabstalavańnia, rabočy pa kompleksnym absłuhoŭvańni i ramoncie budynkaŭ i zbudavańniaŭ),

  • a taksama: švačka, kuchar, kiroŭca aŭtamabila, ślesar pa ramoncie aŭtamabilaŭ, ślesar miechanazboračnych rabot, ślesar-ramontnik.

Pry hetym da ich nie buduć prymianiać abmiežavańni pa abaronie nacyjanalnaha rynku pracy.

Varta adznačyć, što šmat biełarusaŭ z takimi prafiesijami apošnimi hadami masava skiravalisia na pracu, a to i na pastajannaje žycharstva za miažu, prytym niaredka padstavaj dla hetaha stali palityčnyja represii ci pahroza ich.

Letam 2023 hoda siarod deficytnych śpiecyjalnaściaŭ u Minsku lidziravali daktary i miedsiostry. Bolš za ŭsio ŭ nas nie chapaje aniestezijołahaŭ, reanimatołahaŭ i dyjahnostaŭ.

Kamientary8

  • Tak voś jano što!
    27.12.2023
    A ja dumaju, čto heta za čarha takaja na miežach?! A heta ludzi z "Zahnivajuščaj" łamanulisia pracauładkoŭvacca da "krepkich chazajstvieńnikaŭ"
  • orało
    27.12.2023
    a ŭ mianty-čynoŭniki-ideołahi i t.p. tolki svaje?
  • Nie chvalujciesia
    27.12.2023
    Josik, Źjazdžali i buduć źjazdžać. I ŭsio, što vy tut pieraličvajecie rabili tyja ž ludzi, jakija vyrvaŭšysia z BSSR, stvarali svaim rozumam intelektualny pradukt inšych dziaržaŭ.

    NN chvalić apieracyjnaha menedžara Tapuzidzisa Piatroviča. Ale što jon stvaryŭ? Karonu z bucikami? Pryvatny instytut Piatrovič nie stvaryŭ.

    Voś tamu były supracoŭnik Instytuta Fiziki i pracuje ŭ Instytucie Rajsa. U Techasie byŭ Rajs, na hrošy katoraha byŭ pabudavany Instytut, u jakim na sioniašni dzień jość departmient nanafatoniki.

    A z łukašenkajskich kantrabandystaŭ cyharetami chto pabudavaŭ Instytut? Nu choć jaki-niebudź?

    Ludzi z vyšejšaj adukacyjaj, jakija nie zmahli źjechać, pieratvarajucca milicejskimi namahańniami ŭ čort viedaje što, albo prosta pamirajuć ad niezapatrabavanaści.

    A na miesca vypiertych ź Biełarusi rabočych milicejskaja svołač ciahnie navałač z usiaho śvietu, aby jana pa-rusku biełarusa abchamić mahła.

Ciapier čytajuć

Ekanomika Biełarusi pierastała raści. Toje samaje ŭ Rasii i Łatvii. A voś Polšča i Litva rastuć stabilnieńka5

Ekanomika Biełarusi pierastała raści. Toje samaje ŭ Rasii i Łatvii. A voś Polšča i Litva rastuć stabilnieńka

Usie naviny →
Usie naviny

U Hiermanii masava zakryvajucca pivavarni, bo moładź bolš nie cikavić ałkahol21

Navumčyk: Tramp paciśnie ruku Bialackamu, kab heta zaŭvažyŭ Nobieleŭski kamitet13

«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie34

Apranucca ŭ babuliny firanki. Biełaruski brend pakazaŭ novuju kalekcyju5

U Minsku pakažuć mietearyt, jaki ŭpaŭ na Biełaruś u pačatku hoda

Abaviazacielstvy Rasii nie napadać na Jeŭropu i Ukrainu musiać raspaŭsiudžvacca i na Biełaruś32

Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!72

Zialenski: Treba spynić ahoń i pracavać nad mirnym pahadnieńniem. Kanstytucyja nie dazvalaje «handlavać ziamloj» — zdačy Danbasa nie budzie12

«Rasija pahadziłasia nie zachoplivać usiu Ukrainu całkam». Uitkaf zajaviŭ pra praryŭ u pieramovach pamiž ZŠA i Rasijaj25

bolš čytanych navin
bolš łajkanych navin

Ekanomika Biełarusi pierastała raści. Toje samaje ŭ Rasii i Łatvii. A voś Polšča i Litva rastuć stabilnieńka5

Ekanomika Biełarusi pierastała raści. Toje samaje ŭ Rasii i Łatvii. A voś Polšča i Litva rastuć stabilnieńka

Hałoŭnaje
Usie naviny →

Zaŭvaha:

 

 

 

 

Zakryć Paviedamić