«Tam ža niama nivodnaha jaŭreja!» Łukašenka błytana patłumačyŭ, čamu JeŭrAzES nie zhubić Armienii
25 śniežnia ŭ Sankt-Pieciarburhu prajšło pasiadžeńnie Vyšejšaj Jeŭrazijskaj ekanamičnaj supolnaści. Spravazdaču adtul daje Andrej Kaleśnikaŭ u vydańni «Kommiersant».
Łukašenku žurnalisty spynili na prystupkach Prezidenckaj biblijateki imia B. M. Jelcyna, dzie pavinna było adbycca pasiadžeńnie. U jaho spytali, ci nie kryŭdna jamu, što premjer Armienii Nikoł Pašynian prylacieŭ u Picier, a ŭ Minsk na pasiadžeńnie ADKB nie prylacieŭ?
Voś jak pieradaje dyjałoh Kaleśnikaŭ.
«Dy vy što?! — uskliknuŭ Alaksandr Łukašenka.— Heta roznyja farmaty! Ja viedaŭ, što jon prylacić u Picier. Vy kiepska słuchali, ja kazaŭ pra heta. Jakaja tut kryŭda! Ja ŭsio viedaŭ!
— Ci nie stracim Armieniju? — cikaviŭsia jašče niechta z žurnalistaŭ naprykancy.
— Kali Armienija choča pamierci ekanamična… To my jaje možam stracić.
Ale ja nie dumaju, što armianie — durnyja ludzi! Armianie ž razumnyja ludzi! Tam ža niama nivodnaha jaŭreja! Viedajecie čamu? Bo armianie — samyja razumnyja ludzi! Nu jak jany kažuć!.. Što jany, nie bačyli, jak u Afhanistanie padali ludzi z šasi samalota, kali amierykancy lacieli?! Nu sapraŭdy tak vykarystajuć i Armieniju — i zvalać!
Vy dumajecie, hetaha nie budzie? Budzie tak! Heta ichnaja palityka! Ja vam kažu jak staradaŭni palityk!» — rupliva zanatavaŭ błytanyja słovy Łukašenki karespandent kramloŭskaha puła.
Čamu my prajhrali ŭ 2020 hodzie? Razvahi Mikoły Dziadka21
Kamientary