Paśla vybaraŭ, jakija byli 17 śniežnia, u Sierbii pačalisia pratesty. U subotu 24 śniežnia pradstaŭniki apazicyjnaha ruchu «Sierbija suprać hvałtu» atačyli budynak haradskoj administracyi Białhrada, źnieśli ŭ im dźviery i pasprabavali prarvacca ŭnutr.
Častka demanstrantaŭ raźbiła vokny ŭ padjeździe. Palicyja prymianiła suprać ich ślozatačyvy haz.
U haradskoj administracyi znachodzicca Respublikanskaja vybarčaja kamisija.
«Uvieś śviet ubačyŭ kradziež, jaki nikoli nie byŭ zafiksavany. My atrymali pieramohu ŭ Białhradzie, Białhrad — volny horad», — skazaŭ na prateście Srdžan Milivojevič z Demakratyčnaj partyi.
Prezident Sierbii Alaksandr Vučyč zajaviŭ, što nie ličyć pratesty revalucyjaj.
«Ja chaču skazać vam, nie chvalujciesia, hramadzianie. Sceny dramatyčnyja, my nie pryvykli, što chtości razburaje naš dom i raźbivaje vokny. Nie chvalujciesia, tamu što nijakaj revalucyi nie adbyvajecca, i my starajemsia nie naškodzić kamu-niebudź z vypadkovych demanstrantaŭ mirnaj reakcyjaj», — skazaŭ Vučyč.
«Dziaržava dastatkova mocnaja, kab abaranić, i jana budzie abaraniać demakratyju i vybarčuju volu hramadzian. I heta ŭsio, što treba viedać. Buntaŭščyki i chulihany buduć zatrymanyja, a potym buduć reahavać kampietentnyja dziaržaŭnyja orhany», — paabiacaŭ Vučyč.
17 śniežnia ŭ Sierbii byli daterminovyja parłamienckija i miascovyja vybary. Jany prajšli na fonie abvastreńnia ŭ Kosavie i pratestaŭ, vyklikanych niekalkimi vypadkami masavych zabojstvaŭ sa stralaninaj.
Na vybarach pieramahła partyja dziejnaha prezidenta Alaksandra Vučyča (ale ŭ stalicy Sierbii prezidenckaja kaalicyja i apazicyja nabrali blizkuju kolkaść hałasoŭ — 37,48% i 34,38% adpaviedna). Apazicyja zajaviła pra parušeńni i falsifikacyju hałasavańnia. 18 śniežnia ŭ Białhradzie pačalisia pratesty — sabralisia tysiačy prychilnikaŭ ruchu «Sierbija suprać hvałtu».
Vučyč 24 śniežnia zajaviŭ:
«Što b vy ni sprabavali zrabić, nie budzie hvałtoŭnaj źmieny ci čahości jašče. Ułada mianiajecca na vybarach, Sierbija —demakratyčnaja kraina».
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary