Marzaluka śpisvajuć va ŭtyl? «Biełaja Ruś» vystaviła jamu kankurenta na parłamienckija vybary
Historyk Ihar Marzaluk bałatujecca ŭ Pałatu pradstaŭnikoŭ treci raz zapar. Ale na hety raz patrapić u parłamient jamu budzie našmat ciažej, čym u papiarednich vypadkach.
Marzaluk tradycyjna zarehistravaŭ svaju inicyjatyŭnuju hrupu pa Mahiloŭska-Leninskaj akruzie №84, ale praŭładnaja partyja «Biełaja Ruś» vyłučyła pa joj inšaha kandydata.
Kankurent Marzaluka — taksama navukoviec. Dźmitryj Rahaŭcoŭ pracuje prarektaram pa vychavaŭčaj pracy Mahiloŭskaha dziaržaŭnaha ŭniviersiteta. Rahaŭcoŭ — kandydat palityčnych navuk. U 2000-ja navat vydaŭ brašuru «Dziejnaść apazicyjnych moładzievych arhanizacyi ŭ Respublicy Biełaruś».
Chto pieramoža na parłamienckich vybarach pa hetaj akruzie? Naiŭna ličyć, što ŭ biełaruskich realijach niešta vyznačać vybarcy. Rašeńnie ŭžo pryniataje, i jano, najchutčej, nie na karyść Marzaluka.
Naprykład, u 2016 hodzie pasprabavaŭ praciahnuć svaje parłamienckija paŭnamoctvy deputat Mikałaj Kałtunoŭ. Pry hetym jon nie atrymaŭ padtrymki ad uładaŭ, jakija vystavili pa toj ža akruzie vieślara-čempijona Alaksandra Bahdanoviča. U vyniku Kałtunovu naličyli tolki 12% hałasoŭ.
Kamientary