Pytalisia pra staŭleńnie da Ukrainy i Izraila. Stali viadomyja akaličnaści zatrymańnia žančyny z Mazyra
Da Iryny Sapryhinaj pryjechali ludzi ŭ maskach, praviali pieratrus, a zatym zatrymali za abrazu Łukašenki. Žančyna dahladała stareńkuju nieviduščuju maci.
Pravaabaroncam «Viasny» stali viadomyja akaličnaści zatrymańnia 57-hadovaj Iryny Sapryhinaj. Heta adbyłosia 30 kastryčnika 2023 hoda ŭ Mazyry, dzie jana žyvie.
Da žančyny pryjechali ludzi ŭ maskach, praviali pieratrus, a zatym zatrymali jaje pa kryminalnaj spravie ŭ miežach artykuła 368 KK (abraza Łukašenki).
Spačatku Iryna znachodziłasia ŭ IČU na Akreścina niekalki dzion, zatym jaje pieraviali ŭ Žodzina, adnak ciapier miesca znachodžańnia žančyny nieviadomaje: jaje pavinny byli pieravieści ŭ SIZA horada Homiela, ale tam kažuć, što jaje niama.
Za čas znachodžańnia na Akreścina Sapryhina dvojčy pierachvareła na virusnyja zachvorvańni, adnak nie atrymlivała naležnaha lačeńnia.
Viadoma, što Iryna Sapryhina apošni hod znachodziłasia doma, bo dahladała svaju 83-hadovuju maci — likvidatarku ČAES, jakaja maje invalidnaść druhoj hrupy.
Maci Sapryhinaj nie moža zastavacca adna praz stan zdaroŭja (jana nieviduščaja), a inšych svajakoŭ u jaje niama.
Tym nie mienš Irynie nie źmianili miery strymańnia sa źmiaščeńnia pad vartu na paruku. Viadoma taksama, što da maci Sapryhinaj prychodziŭ milicyjant i pytaŭsia pra jaje staŭleńnie da Ukrainy i Izraila.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»4
Kamientary