Infakazačku Volhu Bondaravu ŭznaharodzili miedalom. Ale jakim!
Viadomuju prarasijskuju prapahandystku Volhu Bondaravu ŭznaharodaj adznačyła Kamunistyčnaja partyja RF.
«Ad imia ŭsich adnadumcaŭ vinšuju Volhu Słavamiraŭnu Bondaravu z uznaharodžańniem jaje na zjeździe KPB miedalom CK KPRF «U honar 140-hodździa z dnia naradžeńnia I.V. Stalina». Žadaju dalejšych ździajśnieńniaŭ na karyść našaj Radzimy, zdaroŭja i ŭsiaho samaha najlepšaha!» — paviedamiŭ navinu ŭ sacsietkach paplečnik Bondaravaj, padpałkoŭnik unutranych vojskaŭ u adstaŭcy Alaksandr Płavinski.
Bondarava jamu adkazała, što «chacieła ścipła pramaŭčać, ale ž jość ža sapraŭdnyja siabry, jakija abaviazkova pra ŭsio raskažuć».
«Dla mianie hetaja ŭznaharoda stała poŭnaj niečakanaściu, ale tym jana kaštoŭniej. Dziakuju tavaryšaŭ pa partyi za vysokuju acenku i biaru abaviazacielstva zrabić usio mahčymaje, kab i nadalej być hodnaj vašaha davieru», — dadała jana.
Biełaruskimi ŭznaharodami prarasijskaja prapahandystka pakul adznačana nie była.
Kamientary