Vydali biełaruski pierakład Biblii z aryhinalnych moŭ, jaho možna atrymać zadarma
Vyjšła z druku Biblija ŭ pierakładzie na biełaruskuju movu pastara minskaj chryścijanskaj jevanhieličnaj supolnaści «Jan Pradvieśnik» Antonija Bokuna. Nad pierakładam Śviatoha Pisańnia sa staražytnajaŭrejskaj i staražytnahreckaj moŭ pastar pracavaŭ 12 hadoŭ.
14 śniežnia Antoni Bokun paviedamiŭ pra toje, što pierakład Staroha i Novaha Zapavietaŭ vydadzieny ŭ adnoj knizie, ale kupić jaje nielha — Bibliju buduć raspaŭsiudžvać biaspłatna:
«Pry kancy hoda Hospad daŭ mahčymaść nadrukavać Bibliju pa-biełarusku. Ja pačaŭ hety pierakład u 2011 hodzie i z Božaj dapamohaj skončyŭ u 2023-m. Niachaj Hospadu budzie ŭsia słava! Taksama vialikaja padziaka ŭsim, chto spryčyniŭsia da hetaha vydańnia. Hetuju Bibliju nielha nabyć, ale mahčyma atrymać biaspłatna ŭ Minskaj bahasłoŭskaj sieminaryi Sajuza jevanhielskich chryścijan baptystaŭ (h. Minsk, vuł. Rajnisa, 6) abo ŭ Teałahičnym instytucie chryścijan viery jevanhielskaj (h. Minsk, vuł. Hurskaha, 48)».
Nijakich umoŭ dla atrymańnia knihi niama — treba tolki pryjści pa hetych adrasach.
Pierakładčyk dadaŭ, što ŭ elektronnym vyhladzie Bibliju pa-biełarusku možna čytać praz mabilnyja prahramy YouVersion i MyBible, a taksama praz praz sajty www.bible.by, www.biblia.by, www.biblija.by.
Jak jon udakładniŭ, u vydańnie ŭvajšli tolki kananičnyja knihi Staroha Zapavietu.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!2
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary