Daradca prezidenta Litvy vystupiŭ za ŭnifikacyju abmiežavalnych mier dla biełarusaŭ i rasijan
Ofis prezidenta praciahvaje prytrymlivacca pazicyi, što Litva pavinna ŭnifikavać abmiežavalnyja miery dla biełarusaŭ i rasijan. Na dumku hałoŭnaha daradcy prezidenta Kiastucisa Budrysa, heta daść instytutam krainy bolš instrumientaŭ dla pravierki zamiežnikaŭ, što pryjazdžajuć, i skarocić ich bieskantrolnaje pieramiaščeńnie, piša Delfi.lt.
Akramia taho, jak kaža K.Budrys, dziejučaja pracedura vydačy dazvołaŭ biełarusam na pražyvańnie ŭ Litvie niedaskanałaja.
Daradca padkreślivaje, što Litva pavinna ŭžyvać da biełarusaŭ tyja ž pravavyja instrumienty, jakija ŭžo prymianiajucca da hramadzian Rasii.
«Heta nieabchodna dla taho, kab dać instytutam na miažy instrumienty dla bolš dbajnaj pravierki i acenki, kab pamienšyć mahčymaść bieskantrolnaha prybyćcia siudy», — u aŭtorak skazaŭ K.Budrys.
«U nas skažonaja, zručnaja dla simulacyi sistema — z adnaho boku, my nie vydajom vizy hramadzianam Biełarusi, ale ich vydajuć susiednija krainy, i na padstavie hetych viz my vydajom vid na žycharstva ŭ Litvie. (…) Jość šmat aśpiektaŭ, jakija my sprabujem zamiać, i adkaz vielmi zrazumieły — kali isnujuć pravieranyja miery, jakija pracujuć suprać rasijskich hramadzian i zabiaśpiečvajuć i pavyšajuć našu biaśpieku, čamu b nie ŭžyć ich tut?», — zadaŭ rytaryčnaje pytańnie daradca prezidenta.
K.Budrys taksama padkreśliŭ, što vysnovy Departamienta dziaržaŭnaj biaśpieki, na padstavie jakich ciapier u Siejmie inicyjujucca papraŭki da abmiežavalnych dla biełarusaŭ zakonaŭ, źjaŭlajucca faktyčnaj acenkaj situacyi i pavinny nie padviarhacca sumnievu z boku palitykaŭ.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič17
Kamientary
Unifikacyja biessensoŭnych abmiežavańniaŭ suprać hramadzian - tak!