Što prapanujuć staličnyja restarany na Novy hod i kolki heta kaštuje
Pahladzieli, u jakich restaranach i kafe Minska možna viesieła pravieści apošniuju noč hoda.
Restaran «Siadziba»
Pravieści noč u histaryčnaj siadzibie pačatku XIX stahodździa, nie pakidajučy miežaŭ stalicy, mahčyma — restaran-kłub, jaki raźmieščany ŭ byłym radavym majontku Vańkovičaŭ, adčynić dźviery dla navahodniaj viečarynki. U prahramie prapanujuć DJ, rozyhryšy pryzoŭ, Dzieda Maroza, Śniahurku i navat salut.
Zbor haściej pačniecca ŭ 22:00, a pradoŭžycca ŭračystaść ažno da 5 ranicy. Košt śviata dla darosłaha składzie 500 rubloŭ. U hetuju canu ŭvachodzić śpiecyjalnaje mieniu: siem najmieńniaŭ chałodnych zakusak, 3 parcyjonnyja padačy straŭ i napoi na dvaich.
Haścinica «Słavianskaja»
Hości zmohuć zabraniravać u restaranie haścinicy stolik na kampaniju ŭ 6-10 čałaviek abo znajści miesca za adnym z doŭhich ahulnych stałoŭ. Adpačyć ad muzyki i tancaŭ možna ŭ śpiecyjalnaj zonie, abstalavanaj kanapami i miakkimi kresłami. Dla haściej taksama budzie arhanizavana fotazona.
Košt navahodniaj nočy ŭ «Słavianskaj» — 330 rubloŭ. Siudy uvachodzić mieniu: kanape z čyrvonaj ikroj, blinovy rulet ź siomhaj i syram, rulada z kurycy, faršavanaja hrybami, tartaletka i šmat inšaha.
Hastrabar «Praŭda»
Hastrabar ź vidam na Śvisłač prapanuje navahodni interaktyŭ, śpiecyjalnaje mieniu i aŭtarskija napoi. Zapłacić za noč u staražytnym budynku ŭ centry Minska daviadziecca 400 rubloŭ.
Karaokie-kłub «Bahiema»
Chočacie pravieści noč z šykam? Tady vam u «Bahiemu». Tolki ŭjavicie: dla interjeru hetaha kłuba było vykarystana bolš za 3000 strazaŭ Swarovski, a mebla abciahnuta aksamitnym tekstylem i ŭpryhožana raźbianym drevam.
U Novy hod elitnaje karaokie padrychtuje šou-prahramu i śviatočnaje mieniu. Za ŭsio heta treba budzie zapłacić 450 rubloŭ.
Hastrapab ZAVOD
ZAVOD — hastrapab u samym centry stalicy z asobnaj karaokie-załaj i dvuma VIP-pakojami. U apošniuju noč hoda supracoŭniki ŭstanovy pasprabujuć stvaryć utulnuju atmaśfieru, a taksama paradujuć haściej modnym mieniu i napojami.
Naviedvalnikaŭ čakaje žyvaja muzyka, śviatočnaja šou-prahrama, karaokie i dyskateka ź viadučym. A, kali chtości z haściej stomiccca ad navahodniaj mituśni, jon zmoža bavić čas za hulnioj u biaspłatnyja arkadnyja aŭtamaty i nastolny futboł. Kaštuje takoje zadavalnieńnie ad 200 rubloŭ.
Restaran «Rakaŭski brovar»
«Rakaŭski Brovar» zaprašaje na navahodniuju viačeru. Kaviarnia prapanuje pryjemnyja niespadzieŭki dla haściej, ale papiaredžvaje, što mierapryjemstva skončycca ŭ 20.00.
Adznačajecca, što ŭ śviatočnyja dni možna budzie zamović mieniu «na vynas» — papiaredni zakaz na jaho treba aformić da 30 śniežnia. Košt navahodniaj viačery budzie roŭny koštu vybranych straŭ ź mieniu.
Kafe-kłub «Tavaryš»
Kafe «Tavaryš» prapanuje nastalhavać pa časach SSSR. Śviatočnyja nočy tut buduć iści da 30 śniežnia. Haściam arhanizatary abiacajuć žyvuju muzyku, tancy i šou-prahramu.
U košt nočy ŭklučana śviatočnaje mieniu i napoi — i ŭsio heta za 100 rubloŭ.
Śviatočny viečar nie moža abyścisia biez pryhožaha ŭboru. Tamu prapanujem padborku sukienak, jakija možna nadzieć na Novy hod.
Ciapier čytajuć
Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyja9
Kamientary