30 listapada vilajčanka Śviatłana kupiła ŭ supiermarkiecie «Jeŭraopt» aŭsianyja šmatki. Adnak unutry kardonnaj skrynki jaje čakaŭ niepryjemny siurpryz.
— Ja ŭvieś čas kuplaju adny i tyja ž krupy ŭ hetaj kramie, — raspaviała Kraj.by Śviatłana. — Kali biaru krupy, to zaŭsiody pierasypaju ŭ słoiki. Čarhovy raz pierasypała i ŭbačyła ŭ pačcy pavucinku i vusienia. Jon byŭ tam adzin.
Pa słovach vilajčanki, ubačanamu jana nie ździviłasia, ale było niepryjemna.
— Tyja krupy, što pradajucca ŭ pakietach, ja ahladaju adrazu ŭ kramie. Bo viedaju, što časam tam moža być charčovaja mol. A tut nie było vidać — aŭsianyja šmatki spakavanyja ŭ kardonnuju skrynku, — patłumačyła dziaŭčyna.
Vilajčanka nie razhubiłasia i vyrašyła viarnuć niajakasny pradukt u supiermarkiet. Aŭsianyja šmatki jana vysypała ŭ pakiet, vusienia pasadziła ŭ słoik u jakaści dokazu.
— Ja pajšła na nastupny dzień, bo kupiła ja kašu ŭdzień, a 14:20, a hatavać stała pozna ŭviečary a 21:00. Ja zaŭsiody varu kašu na noč.
U kramie dziaŭčyna padyšła da kasira na kasach samaabsłuhoŭvańnia. Dziaŭčyna patłumačyła situacyju i pakazała niajakasny tavar. Pytańnie vyrašyłasia chutka i bieź lišnich prablem.
— Padyšła dziaŭčyna, pryniesła novuju kašu. Vybačylisia. Supracoŭniki supiermarkieta prapanoŭvali viartańnie hrošaj, ale ja skazała, mnie patrebna prosta kaša. Ja nie išła z metaj svarycca, a chacieła prosta pamianiać tavar. Bo ja sama razumieju, što nie jany vinavatyja: terminy na kašy adpaviadajuć praviłam.
Na haračaj linii sietki «Jeŭraopt» rastłumačyli, što ŭ vypadku, kali pakupnik nabyŭ niajakasny tavar, jon sapraŭdy maje prava jaho viarnuć, źviarnuŭšysia niepasredna ŭ handlovy abjekt.
Pry hetym, adznačyła śpiecyjalist haračaj linii, spažyŭcu navat nie abaviazkova mieć pry sabie ček. Dastatkova prynieści ŭ supiermarkiet tavar.
U kramie zrobiać viartańnie, pravieryŭšy pa kamierach videanazirańnia. Pakupniku prapanujuć viarnuć hrošy abo abmianiać na novy tavar.
-
Antanina Kanavałava raskazała, jak jaje prymušali padpisać prašeńnie pra pamiłavańnie
-
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie
-
«Chapaj jaje za azadak, zaciahni ŭ tualet». U Varšavie zajavili ŭ prakuraturu na pikap-treniera ź Biełarusi Aleksa Leśli
Ciapier čytajuć
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie19
Kamientary
i jaki dokaz, što vusień byŭ mienavita ŭ šmatkach, a nie byŭ znojdzieny ŭ inšym miescy?
nie tak daŭno nabyła vafielnyja ruleciki Vićba, uskryła ŭpakoŭku, a tam 2-ch rulecikaŭ nie chapaje. viartać tavar? a jak ty dakažaš, što tam ich nie było pieršapačatkova, nie byli źjedzieny?