Łukašenka skazaŭ Si Czińpinu, što Biełaruś była, jość i budzie nadziejnym partnioram dla Kitaja
U niadzielu Łukašenka prybyŭ z pracoŭnym vizitam u Kitaj.
Jon zajaviŭ padčas sustrečy, što rady abmierkavać z kitajskim kiraŭnikom aktualnyja pytańni supracoŭnictva, paviedamlaje BiełTA.
«I, jak heta zaŭsiody było pamiž nami, vykazać svoj punkt hledžańnia na tyja ci inšyja prablemy mižnarodnych adnosin. Raźvićcio ŭsiebakovaha stratehičnaha supracoŭnictva Biełarusi i Kitaja vyznačana adzinstvam našych ideałohij i samoj łohikaj suśvietnych padziej i pracesaŭ, jakija adbyvajucca siońnia», — skazaŭ Alaksandr Łukašenka.
Jon taksama padkreśliŭ, što histaryčnaje pavyšeńnie ŭzroŭniu adnosin nadało mahutny impuls pahłybleńniu tradycyjnych napramkaŭ, dało start novym viektaram i miechanizmam supracoŭnictva.
«Biełaruś była, jość i budzie nadziejnym partnioram dla Kitaja. Dumaju, užo nikoha ŭ Kitai ŭ hetym nie treba pierakonvać. Usio heta było na maich vačach na praciahu apošnich 30 hadoŭ, i navat bolš: u pieršy raz ja pryjechaŭ u Kitaj, budučy deputatam parłamienta», — zajaviŭ Łukašenka.
«U nas vialiki vopyt, my viedajem, što treba našym krainam. I my vielmi šmat u hetym płanie zrabili», — dadaŭ jon.
Ciapier čytajuć
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary