Zialenski pra kontrnastup: My nie dasiahnuli žadanaha, ale my nie adstupajem
Prezident Ukrainy rastłumačyŭ, što Ukraina nie atrymała ad sajuźnikaŭ usiaho nieabchodnaha ŭzbrajeńnia, a abmiežavanaść kolkaści Uzbrojenych sił nie dazvoliła joj chutka prasoŭvacca napierad.
Prezident Uładzimir Zialenski pryznaŭ, što doŭhačakany kontrnastup letam i vosieńniu nie prynios čakanych praryvaŭ, ale padkreśliŭ, što Ukraina nie adstupaje i što joj patrebna dapamoha ŭ naroščvańni ajčynnaj vytvorčaści ŭzbrajeńniaŭ, piša «Ukrainskaja praŭda».
«Hladzicie, my nie adstupajem, ja zadavoleny. My vajujem z druhoj (pa mahutnaści) armijaj u śviecie, ja zadavoleny. My hublajem ludziej, ja nie zadavoleny. My nie atrymali ŭsiu zbroju, jakuju chacieli, ja nie mahu być zadavoleny, ale ja taksama nie mahu zanadta skardzicca… My chacieli bolš chutkich vynikaŭ. Z hetaha punktu hledžańnia, na žal, my nie dasiahnuli žadanych vynikaŭ. I heta fakt…
Nie chapaje sił, kab chutčej dasiahnuć žadanych vynikaŭ. Ale heta nie značyć, što my pavinny apuścić ruki, što my pavinny zdacca. My ŭpeŭnienyja ŭ svaich dziejańniach. My zmahajemsia za toje, što naležyć nam».
Zialenski rastłumačyŭ, što Ukraina nie atrymała ad sajuźnikaŭ usiaho nieabchodnaha ŭzbrajeńnia, a abmiežavanaść kolkaści Uzbrojenych sił nie dazvoliła joj chutka prasoŭvacca napierad.
Zrešty, pa jaho słovach, za apošnija niekalki miesiacaŭ usio ž byli dasiahnuty peŭnyja stanoŭčyja vyniki.
Zialenski adznačyŭ, što Ukrainie ŭdałosia dasiahnuć pastupovych terytaryjalnych dasiahnieńniaŭ suprać lepš uzbrojenaha i ŭmacavanaha voraha.
Zialenski taksama spadziajecca, što zachodnija sajuźniki, u pryvatnaści ZŠA, prapanujuć vyhadnyja kredyty i kantrakty dla dasiahnieńnia hetaj mety.
«Heta vychad», — skazaŭ Zialenski, dadaŭšy, što ništo tak nie pałochaje Rasiju, jak vajskova samadastatkovaja Ukraina.
Ciapierašni kontrnastup byŭ padmacavany dziasiatkami miljardaŭ dalaraŭ zachodniaj vajennaj dapamohi i ciažkim uzbrajeńniem.
Zialenski naviedaŭ Kupianski front
Pucin nie pojdzie na mir va Ukrainie da prezidenckich vybaraŭ u ZŠA — Reuters
Kiraŭnik ofisa Zialenskaha nazvaŭ nastupny hod vyrašalnym u vajnie
Zachodnija ekśpierty zaklikali pierajści da «doŭhaterminovaj stratehii strymlivańnia Rasii». «Ciarplivaj, ale ćviordaj»
Zialenski: Mnie zdajecca, što my znachodzimsia ŭ apošniaj stadyi vajny, ale samaj składanaj
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary