Zialenski: Mnie zdajecca, što my znachodzimsia ŭ apošniaj stadyi vajny, ale samaj składanaj
Prezident Ukrainy ŭ intervju rumynskim ŚMI znoŭ raspavioŭ, što hatovy bałatavacca na prezidenckich vybarach, kali jany adbuducca padčas vajny, ale kali vajna skončycca — to nie, piša «Ukrainskaja praŭda».
U Zialenskaha znoŭ spytali, ci bałatavaŭsia b jon na vybarach.
«Kali b vajna praciahvałasia — tak, kali b vajna skončyłasia — nie. Ja nie mahu ŭciačy padčas vajny… Ja nie mahu vam nazvać dakładnaj daty, ja dumaju, što nichto (nie moža)… Ja viedaju, što my idziem u kontrnastupleńnie, što Rasija sydzie z našych terytoryj. Mnie zdajecca, ja viedaju, kali, ale ja taksama nie mahu vam hetaha skazać.
Heta apošni etap vajny. Heta nie jaho siaredzina. Pieršym etapam była akupacyja, za jakoj było spynieńnie nastupu i ŭziaćcie inicyjatyvy ŭ svaje ruki. Mnie zdajecca, my ŭ apošniaj častcy. U nas šmat strachaŭ: hrošy, zbroja… Ale my ŭ apošniaj častcy, samaj składanaj».
U žniŭni 2023 hoda Uładzimir Zialenski ŭ intervju partuhalskim ŚMI zajaviŭ, što budzie znoŭ bałatavacca ŭ prezidenty, kali vybary adbuducca ŭ 2024 hodzie padčas vajny, choć pierad hetaj kadencyjaj chacieŭ abmiežavacca adnym terminam.
Kamientary