U Hłybokim źjaviŭsia prajekcyjny pierachod. Što heta takoje?
Niezvyčajnaja inavacyja źjaviłasia ŭ Hłybokim, piša «Anłajnier». Kala miascovaj «Biełpošty» pastavili prajekcyjny piešachodny pierachod. Paśla zachodu sonca ŭklučajecca śpiecyjalnaja padśviatleńnie, jakoje prajecyruje bieła-žoŭtuju raźmietku na darohu.
«Taki pierachod paznačajecca śvietłavymi elemientami, jakija jarka vyłučajucca niezaležna ad času sutak», — raskazaŭ načalnik miascovaj DAI Juryj Zajac.
Inśpiektary taksama adznačyli, što «padobnaja raźmietka nie znošvajecca i prykmietnaja pry lubym kirunku i jarkaści aŭtamabilnych far».
Navinka moža być vielmi karysnaj, asabliva ŭ śniežnaje nadvorje, kali tradycyjnuju raźmietku zamiataje całkam.
Kamientary