Hadavały chłopčyk, paciarpieły ŭ DTZ na Stolinščynie, pamior u balnicy
U balnicy siońnia ranicaj pamierła adnahadovaje dzicia, jakoje paciarpieła padčas sutyknieńnia Audi i Ford u Stolinskim rajonie. Pra heta paviedamiła DAI.
DTZ adbyłosia 27 listapada kala 23:30. 23-hadovy žychar ahraharadka Alšany na Audi jechaŭ pa trasie R88 Žytkavičy — Davyd-Haradok — miaža Ukrainy. Na 56 km aŭtadarohi jon, pavodle papiaredniaj infarmacyi DAI, nie spraviŭsia z kiravańniem, vyjechaŭ na pałasu sustrečnaha ruchu i sutyknuŭsia z Ford pad kiravańniem 28-hadovaha kiroŭcy.
U vyniku DTZ 25-hadovaja pasažyrka mašyny zahinuła na miescy zdareńnia, a kiroŭca aŭtamabila, 3-hadovaja i adnahadovy pasažyry byli špitalizavanyja.
29 listapada ranicaj samy maleńki pasažyr pamior va ŭstanovie achovy zdaroŭja.
U DAI adznačajuć, što dzieci pieravozilisia bieź dziciačych utrymlivalnych pryład, a chłopčyk na momant zdareńnia znachodziŭsia na rukach u mamy.
Čytać całkam:
U Viciebsku 10-hadovaja dziaŭčynka trapiła pad koły dvuch aŭto
BMW ulacieła ŭ luksavy bucik u centry Minska
Zjaviłasia videa DTZ u Žłobinskim rajonie, dzie zahinuŭ kiroŭca rasijskaha Lexus
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary