Novy ŭrad Maravieckaha ŭžo prynios prysiahu pierad prezidentam Polščy. Ale jość adno istotnaje ale
U paniadziełak u Prezidenckim pałacy ŭ Varšavie čalcy novaha ŭrada Matevuša Maravieckaha, jakomu paśla vybaraŭ prezident Andžej Duda daručyŭ misiju farmavańnia novaha ŭrada, prynieśli prysiahu pierad prezidentam, paviedamlaje Polskaje radyjo.
Prezident Andžej Duda padkreśliŭ, što novy ŭrad składajecca ŭ asnoŭnym sa śpiecyjalistaŭ, jakija da hetaha času zajmalisia praktykaj: «Znaju vas jak ekśpiertaŭ. Siońnia vy bieracie na siabie nadzvyčaj adkaznyja palityčnyja funkcyi ŭ kiravańni polskimi spravami. Ščyra vam za heta dziakuju. Heta nadzvyčaj važna zadača», — skazaŭ prezident.
U novym uradzie Maryjuš Błaščak zastaniecca na pasadzie kiraŭnika Ministerstva nacyjanalnaj abarony.
Novym ministram raźvićcia i technałohij stanie Marlena Maloh. Ministerstva zamiežnych spravaŭ uznačalić Šyman Šynkoŭski vel Senk, a pracaj Ministerstva justycyi budzie kiravać Marcin Varchał. Ministram achovy zdaroŭja stanie Eva Krajeŭska, ministram sielskaj haspadarki i raźvićcia vioski — Anna Hiembicka, ministram adukacyi i navuki — Kšyštaf Ščucki, a kiraŭnikom MUS — Pavieł Šefiernakier.
Ciapier premjer-ministr maje dva tydni na toje, kab pradstavić prahramnuju pramovu i atrymać votum davieru ŭ Siejmie. Ale votumu akurat i nie budzie, pakolki apazicyjnaja kaalicyja prahałasuje suprać, tady novaha premjer-ministra budzie vybirać Siejm.
Kandydatam ad apazicyjnaj parłamienckaj bolšaści na zhadanuju pasadu źjaŭlajecca były premjer Donald Tusk.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary