U Centry imia Hamalei dapuścili pieranos vypusku abnoŭlenaha «Sputnika»
Madyfikavany «Sputnik V» stanie dastupny rasijanam (i, mahčyma, biełarusam) z sakavika 2024 hoda, raspavioŭ navukovy supracoŭnik Centra imia Hamalei Anatol Altštejn. Raniej kiraŭnik instytuta Alaksandr Hincburh kazaŭ pra płany vypuścić vakcynu ŭ abarot u pačatku śniežnia, piša RBK.
Kliničnyja daśledavańni abnoŭlenaj vakcyny ad COVID-19 «Sputnik V» zaraz viaducca, raboty pa madyfikacyi preparata zaciahnulisia z-za ciažkaściaŭ ź finansavańniem, zajaviŭ hałoŭny navukovy supracoŭnik NDC epidemijałohii i mikrabijałohii imia Hamalei Anatol Altštejn padčas kanfierencyi, pryśviečanaj epidemijałahičnaj situacyi. Pavodle jaho słoŭ, abnoŭleny preparat źjavicca ŭ hramadzianskim abarocie nie raniej za pačatak 2024 hoda, samaje aptymalnaje — u sakaviku nastupnaha hoda.
Abnaŭleńnie «Sputnika V», sa słoŭ Altštejna, zaklučajecca ŭ tym, što ŭ składzie adenavirusnaha viektara vakcyny źjaviłasia ŭstaŭka virusa, «jaki pačaŭ cyrkulavać u śviecie, u tym liku i ŭ Rasii, u 2023 hodzie».
Raniej Alaksandr Hincburh tłumačyŭ, što tyja antycieły, jakija raniej vypracoŭvalisia na asnovie «Sputnik V» u zychodnym jaho varyjancie, pierastali abaraniać ad novych varyjantaŭ COVID-19, tamu vakcynu stali padhaniać pad novy antyhienny varyjant.
U siaredzinie listapada kiraŭnik Centra imia Hamalei Alaksandr Hincburh taksama paviedamiŭ, što kliničnyja daśledavańni abnoŭlenaj adnakampanientnaj vakcyny ad COVID-19 «Sputnik łajt» zaviaršylisia i preparat płanujuć da ŭvodu ŭ hramadzianski abarot u pieršaj dekadzie śniežnia. Tady ž jon dadaŭ, što «Sputnik V» i dziciačy varyjant vakcyny pastupiać u miedustanovy paźniej, nie ŭdakładniŭšy dakładnyja terminy.
«Sputnik V» zusim pierastaŭ abaraniać ad novych štamaŭ kavidu. A ŭ Biełarusi im praciahvajuć vakcynavać
Hałoŭny sanitarny doktar Biełarusi zrabiŭ užo piać pryščepak ad karanavirusa
Jak zaścierahčy siabie i svaich blizkich ad COVID-19 u novym siezonie. Parady
U Rasii rajać nie rabić pryščepki ad kavidu
Abnoŭlenaja vakcyna «Sputnik łajt» źjavicca ŭ šyrokim užytku ŭ śniežni
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały77
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały7
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary