Aŭtarski varyjant samaj znakamitaj karciny Šahała pradali za 15,6 miljona dalaraŭ
Na aŭkcyjonie Sotheby's Modern Evening Auction, jaki adbyŭsia 13 listapada ŭ Ńju-Jorku, pradali varyjant karciny Marka Šahała «Nad horadam» (1914-1918), jaki jon napisaŭ u 1924 hodzie.
Pałatno z pryvatnaj japonskaj kalekcyi, nazva jakoha na francuzskaj hučyć jak Au-dessus de la ville, raźličvali realizavać za sumu ŭ dyjapazonie ad 12 da 18 miljonaŭ dalaraŭ.
Za pracu mastaka ź Viciebska dastatkova doŭha zmahalisia dva patencyjnyja pakupniki, ź jakimi ich pradstaŭniki ŭ zale kansultavalisia napraciahu tarhoŭ pa telefonie.
U vyniku aŭkcyjanist udaryŭ małatkom i abviaściŭ ab prodažy šedeŭra za 13,3 młn dalaraŭ. Uličvajučy ŭsie dadatkovyja płaciažy, heta vyjaviłasia ŭ vynikovaj sumie 15 616 200 dalaraŭ, piša sajt «Biełaruś i śviet».
Aryhinał samaj znakamitaj karciny Marka Šahała «Nad horadam», napisany ŭ 1918 hodzie, znachodzicca ŭ Traćciakoŭskaj halerei ŭ Maskvie. Jaho pamier 194 na 141 sm. Jana aceńvajecca ŭ 160 miljonaŭ dalaraŭ. Paśla Šahał zrabiŭ aŭtarskuju kopiju ŭ 1924 hodzie, pamier jakoj 91 na 67 sm i jaki adroźnivajecca ad aryhinału.
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary