Absalutny rekord naležyć inšaj karcinie mastaka, jakuju vosiem hadoŭ tamu pradali za 179 miljonaŭ dalaraŭ.
Karcina Pabła Pikasa «Žančyna z hadzińnikam» pradadzienaja na aŭkcyjonie Sotheby's za 139 młn dalaraŭ. Heta druhaja pa košcie praca ispanca z usich kali-niebudź pradadzienych na tarhach, piša Bi-bi-si.
Bolš kaštavała tolki adna z karcin sieryi «Ałžyrskija žančyny», pradadzienaja ŭ 2015 hodzie aŭkcyjonnym domam Christie's za 179,3 miljona dalaraŭ.
Da pačatku aŭkcyjonu «Žančyna z hadzińnikam» aceńvałasia ŭ 120 młn dalaraŭ. Imia pakupnika nie nazyvajecca.
Bolš za 50 hadoŭ karcina zachoŭvałasia ŭ ZŠA ŭ kalekcyi viadomaj znaŭcy žyvapisu, amierykanskaj śvieckaj ilvicy Emili Fišer Łandaŭ.
Jana pamierła ŭ sakaviku hetaha hoda na 103-m hodzie žyćcia. Usia jaje kalekcyja aceńvajecca ŭ sotni miljonaŭ dalaraŭ.
«Załataja muza» majstry
Na karcinie, stvoranaj u 1932 hodzie, namalavanaja francuzskaja madel Mary-Tereza Uołter, jakaja ŭ toj pieryjad była paluboŭnicaj mastaka.
Joj było 17 hadoŭ, kali jana paznajomiłasia z 45-hadovym Pikasa. Spačatku ich raman trymaŭsia ŭ tajamnicy, tamu što Pikasa ŭsio jašče byŭ žanaty na ŭkrainskaj balarynie Volzie Chachłovaj.
Uołter nazyvajuć «załatoj muzaj» mastaka. Ź jaje napisany mnohija karciny Pikasa, u pryvatnaści, «Aholenaja, jakaja lažyć», pradadzienaja ŭ 2022 hodzie za 67,5 młn dalaraŭ.
Pabła Pikasa naradziŭsia ŭ Małazie ŭ 1881 hodzie, vyras u Barsiełonie, a ŭ 1904 pierabraŭsia ŭ Paryž, dzie staŭ adnym z samych značnych mastakoŭ XX stahodździa.
Za svajo žyćcio Pikasa stvaryŭ kala 150 tysiač rabot, šmat ekśpierymientujučy sa stylami i tematykaj, ale addajučy pieravahu kubizmu.
Jon pamior na poŭdni Francyi ŭ 1973 hodzie va ŭzroście 92 hadoŭ.
Ciapier čytajuć
Pamiłavanyja 15 čałaviek, siarod jakich 13 palitviaźniaŭ10
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary