Para Čendlera i Moniki była adnoj z samych lubimych u fanataŭ. Adnak hetaj lubovi mahło nie być. Aktorka Liza Keš raspaviała ŭ intervju TMZ ab tym, što Čendler pavinien byŭ zdradzić svajoj dziaŭčynie.
Pa pieršapačatkovym siužecie ŭ pieršaj sieryi piataha siezona Čendler pavinien byŭ pasvarycca z Monikaj, daviedaŭšysia, što taja viačerała sa svaim byłym chłopcam. Scenarysty płanavali scenu, dzie hieroj Mećju Pery pavinien byŭ pryjści ŭ hatel i zdradzić Monicy z pakajoŭkaj, jakuju i hrała Liza Keš.
Akciorka skazała, što jany navat repietavali hetuju scenu, adnak za dzień da zdymak Mećju skazaŭ, što nie budzie ŭ hetym zdymacca, bo tady fanaty nie darujuć Čendleru zdradu.
Dziaŭčyna adznačaje, što rola pakajoŭki mahła b paŭpłyvać na jaje karjeru, adnak jana rada, što ŭsio adbyłosia tak, jak adbyłosia. Urešcie, jana ŭsio ž taki źjaviłasia ŭ sieryjale ŭ roli ściuardesy.
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro13
Kamientary