Łukašenka pacikaviŭsia ŭ Kačanavaj, ci zabiaśpiečany minčuki praduktami i abutkam
Alaksandr Łukašenka sustreŭsia siońnia sa staršynioj Savieta Respubliki, upaŭnavažanaj pa Minsku Natallaj Kačanavaj. Jany abmierkavali budučyja vybary, kadravyja pytańni i stupień zabiaśpiečanaści Minska.
Łukašenka čarhovy raz skazaŭ, što viertykal ułady pavinna ŭdzielničać u vybarach, piša BiełTA.
«Heta vielmi važnaja kampanija ŭ Biełarusi. Važniej za palityčnuju kampaniju ŭ nastupnym hodzie niama (25 lutaha 2024 hoda pavinien adbycca «Adziny dzień hałasavańnia», kali projduć parłamienckija vybary i vybary ŭ miascovyja saviety — NN). Śledam ža farmavańnie «Usiebiełaruskaha narodnaha schodu», abrańnie delehataŭ na hety schod», — skazaŭ Alaksandr Łukašenka.
Kačanava adkazała, što miascovyja orhany ŭłady, hubiernatary, miascovaja vykanaŭčaja ŭłada — usie ŭklučylisia ŭ hetuju pracu.
Natalla Kačanava pierakananaja, što «ludzi razumiejuć, nakolki heta važny pieryjad u žyćci krainy».
Taksama Łukašenka zakranuŭ pytańnie kadravych prablem.
«My taksama pra ich havaryli z vami. Ja chacieŭ by, kab Saviet Respubliki mieŭ kancentravanuju dumku, i chacieŭ by ad vas pačuć na dadzieny momant, jak iduć spravy», — spytaŭsia jon, ale aficyjnyja ŚMI nie patłumačyli, što Łukašenka mieŭ na ŭvazie.
Asobna było ŭźniata pytańnie — situacyi ŭ stalicy.
«Mianie cikaviać pytańni zabieśpiačeńnia nasielnictva, pierš za ŭsio ŭsim nieabchodnym — pradukty charčavańnia, adzieńnie, abutak; jak adčuvajuć siabie minčanie ŭ hetaj situacyi?» — spytaŭsia Łukašenka i pachvaliŭ členaŭ Savieta Respubliki, što pravodziać sustrečy ź ludźmi.
«Vy mnie abiacali, što kancentravać budziecie toje, što adbyvajecca ŭ Biełarusi, i paviedamicie pry nieabchodnaści», — reziumavaŭ jon.
Ciapier čytajuć
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika8
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary