Ihar Šunievič vyrašyŭ zasnavać arhanizacyju žančyn-palaŭničych
Staršynia Biełaruskaha tavarystva palaŭničych i rybałovaŭ (BTPR) Ihar Šunievič zajaviŭ, što ŭ Biełarusi płanujuć stvaryć žanočuju palaŭničuju arhanizacyju. Maŭlaŭ, u krainie jość značnaja kolkaść žančyn, zachoplenych palavańniem, a padobnyja žanočyja palaŭničyja kłuby isnujuć u roznych krainach.
«Kali vielmi koratka, to heta budzie kłub pry BTPR, jaki abjadnoŭvaje nie tolki žančyn, jakija ŭžo adbylisia jak vopytnyja palaŭničyja (a takich u nas niamała), ale i dziaŭčat i navat dziaŭčynak, jakija tolki źbirajucca stać naturalistkami-pryrodakarystalnicami», — havorycca ŭ zajavie Šunieviča, raźmieščanaj na sajcie tavarystva.
Dla kłuba žančyn — amatarak palavańnia ŭžo prydumali pracoŭnuju nazvu — «Vaviorka». U arhanizacyi buduć svaje simvolika i statut.
Kamientary