U Rovienskaj vobłaści pabačyli vajskovuju kałonu pad BČB-ściahami. Što heta było?
5 listapada ŭ siecivie źjavilisia fota i videa z kałonaj vajskovych džypaŭ, pikapaŭ i hruzavikoŭ pad bieł-čyrvona-biełymi ściahami. Na transparcie taksama bačny naniesieny šaścikancovy kryž Jeŭfrasińni Połackaj.
Śćviardžałasia, što videa źniata ŭ Rovienskaj vobłaści Ukrainy i što kałona jedzie ŭ bok biełaruskaj miažy. Hety rehijon miažuje ź Biełaruśsiu ŭ rajonie Pinska i Łuninca.
Chto arhanizavaŭ ruch hetaj kałony?
«Nie viedajem, ale pryhoža», — adkazali «Našaj Nivie» ŭ presavaj słužbie Pałka Kalinoŭskaha.
«Heta IPSA (infarmacyjna-psichałahičnaja śpiecyjalnaja apieracyja — NN)», — patłumačyŭ nam Hienadź Mańko, kiraŭnik misii demakratyčnaj Biełarusi ŭ Kijevie.
Na ŭdakładnialnaje pytańnie, chto arhanizavaŭ hetuju śpiecapieracyju i ci ŭdzielničali ŭ joj biełarusy, Mańko adkazaŭ, što jamu heta nieviadoma.
«Našy dobraachvotniki šmatznačna ŭśmichajucca», — adkazaŭ Mańko.
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły8
Kamientary