Kiraŭnik Biełaruskaha Čyrvonaha Kryža Šaŭcoŭ praciahnie pracu, niahledziačy na parušeńnie normaŭ Mižnarodnaj fiederacyi
Ale Šaŭcoŭ pakul nie płanuje naviedvać Danbas.
Hienieralny sakratar Biełaruskaha Čyrvonaha Kryža (BČK) Dźmitryj Šaŭcoŭ praciahvaje vykonvać svaje paŭnamoctvy. Pra heta TASS paviedamili ŭ arhanizacyi.
«U adpaviednaści sa Statutam Biełaruskaha Čyrvonaha Kryža da vyklučnaj kampietencyi Źjezda adnosiacca pytańni abrańnia, pieraabrańnia, zrušeńnia Hienieralnaha sakratara. 7 vieraśnia XXVI Źjezdam Biełaruskaha Čyrvonaha Kryža pryniata adnahałosnaje rašeńnie ab praciahu pracy Dźmitryja Šaŭcova na zajmanaj im pasadzie hienieralnaha sakratara. Takim čynam, Dźmitryj Šaŭcoŭ praciahvaje vykonvać svaje paŭnamoctvy ŭ adpaviednaści z rašeńniem Źjezda», — paviedamili ŭ arhanizacyi.
Praŭleńnie Mižnarodnaj fiederacyi tavarystvaŭ Čyrvonaha Kryža i Čyrvonaha Paŭmiesiaca raniej zapatrabavała sychodu ŭ adstaŭku Šaŭcova da 30 listapada ŭ suviazi ź jaho lipieńskaj pajezdkaj na Danbas. U raspaŭsiudžanaj u Ženievie zajavie jana pryhraziła prypynić siabroŭstva BČK u Fiederacyi i spynić pradastaŭleńnie jamu luboha novaha finansavańnia, kali heta patrabavańnie nie budzie vykanana da 30 listapada.
U BČK nahadali, što arhanizacyja źjaŭlajecca kaardynataram akazańnia humanitarnaj dapamohi na terytoryi Biełarusi i praciahvaje akazvać padtrymku ŭraźlivym katehoryjam hramadzian. «Takaja dziejnaść pa farmiravańni sistemy humanitarnych kaštoŭnaściaŭ ažyćciaŭlajecca ŭ adpaviednaści z nacyjanalnym zakanadaŭstvam, statutam Biełaruskaha Čyrvonaha Kryža, i jaje niemahčyma prypynić, niahledziačy na patrabavańni z čyjho-niebudź boku», — padkreślili ŭ BČK.
Šaŭcoŭ zaraz nie płanuje znoŭ naviedvać Danbas, paviedamili ŭ arhanizacyi.
Mižnarodny Čyrvony Kryž patrabuje zvolnić Šaŭcova. U vypadku admovy — spynić finansavańnie
Uznačalvaŭ vybarčyja kamisii, choča lačyć hiejaŭ, ekśpiert pa ŭsich pytańniach. Chto taki Dźmitryj Šaŭcoŭ, jaki kiruje Biełaruskim Čyrvonym Kryžam
U Minsk pryjechała ŭpaŭnavažanaja pa pravach dziaciej Rasii, na jakuju Mižnarodny kryminalny sud vydaŭ ordar na aryšt
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza14
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary