«Začiem kovierkať russkij?» Rasijskamu libierału apiakła voka biełaruskaja mova
Papularny rasijski błohier Rustem Adahamaŭ, jaki ŭžo dziasiatak hadoŭ žyvie ŭ Prazie i vystupaje z apazicyjnych u dačynieńni da Kramla pazicyj, nie strymaŭsia ad adkrytaj demanstracyi impierskaj pychi, padstavaj dla čaho staŭ pabačany im karotki biełaruskamoŭny tekst.
Padstavaj stała, zdavałasia b, biaskryŭdnaje karotkaje paviedamleńnie na staroncy «Jeŭraradyjo» ŭ sacsietcy X (były tvitar): «Chakieisty minskaha «Dynama» pierapynili svaju vyjhryšnuju trochmatčavuju sieryju».
Adahamaŭ čamuści nie zmoh prajści mima hetaha dopisu i prakamientavaŭ jaho nastupnym čynam:
«Kakoj žie śmiešnoj biełorusskij jazyk. Nu počiemu Dynama, sieryju i trochmatčavuju? Začiem kovierkať russkij? Tiem boleje, čto na niem hovorit vsia Riespublika Biełaruś».
kakoj žie śmiešnoj biełorusskij jazyk. nu počiemu Dynama, sieryju i trochmatčavuju? začiem kovierkať russkij? tiem boleje, čto na niem hovorit vsia Riespublika Biełaruś.
«Chakieisty minskaha «Dynama» pierapynili — nu eto žie pravda śmiešno vyhladit. Vy tolko nie diełajtie vid, čto sami etoho nie ponimajetie», — praciahnuŭ Adahamaŭ.
«Vsie biełorusy hovoriat na chorošiem russkom jazykie, biez akcienta, biez «h» frikativnoho i t.p., — davodziŭ jon u kamientarach. — Nie chotiat byť russkimi, no razhovarivajut na russkom. Eto kak ponimať?»
Naturalna, što reakcyja inšych padpisčykaŭ staronki była rezka niehatyŭnaja. Padtrymki rasijski błohier ź nibyta libieralnaj reputacyjaj nie znajšoŭ.
«Vy zaraz niesiacie takuju achinieju, što prosta śmiešna. Pakazali svaju poŭnuju nieadukavanaść i ščyraje hłupstva. I kłasiku žanru: rasijski libierał — taksama impierac», — napisali jamu ŭ adkaz.
«Byŭ pierakanany, što vy bolš razumny čałaviek, spadar Rustem. Ščyra ździŭleny i rasčaravany», — adreahavaŭ inšy karystalnik.
«U rasiejcaŭ jość impieryjalistyčnyja ambicyi». Frahmient intervju Cichanoŭskaj, jakoje abmiarkoŭvaje tvitar
Cichanoŭskaja dała intervju, ad jakoha ŭ rasijskaj apazicyi pałychnuła. Što zdaryłasia?
«Hałoŭnaje, što šmat biełarusaŭ vykazali słovy padtrymki». Cichanoŭskaja prakamientavała reakcyju na svajo intervju «Novoj hazietie»
Ciapier čytajuć
Vialikaja hutarka z Franakam Viačorkam — pra kruhły stoł z Łukašenkam, pamyłki, chejtaraŭ i hałoŭnaje dasiahnieńnie5
Kamientary