«Sankcyi pracujuć». U Vilni prakamientavali pahrozy Litvie z boku łukašenkaŭskaha hienierała
Pahrozy, jakija dniami prahučali na adras Litvy z boku pieršaha namieśnika dziaržsakratara Savieta biaśpieki Biełarusi Paŭła Muraviejki, śviedčać pra toje, što «sankcyi pracujuć», zajaviŭ 29 kastryčnika ŭ kamientary vydańniu «Pozirk» deputat Jeŭrapiejskaha parłamienta ad Litvy i pastajanny dakładčyk pa Biełarusi Piatras Aŭštravičus.
«[Heta značyć, što] abmiežavańni majuć upłyŭ na ekanamičnyja i finansavyja vyniki dziaržaŭnaha biudžetu Biełarusi. Heta dobra», — skazaŭ deputat.
Razam z tym, pavodle jaho, treba razumieć, što «Minsk sam saboj, moža być, i nie ŭjaŭlaje vajennaj pahrozy abo ryzyki, ale jon usio ž taki hraje ŭ bolš šyrokim płanie pad muzyku z Kramla, z Maskvy», a heta značyć, što ŭsie pahrozy «pavinny analizavacca, pavinny prymacca pastanovy».
«U Litvie my robim usio mahčymaje, umacoŭvajem svaju abaranazdolnaść, — padkreśliŭ jeŭraparłamientaryj. — Hałoŭnaje, što jość poŭnaje partniorstva z našymi partniorami i z NATA, i ź Jeŭrasajuza, i heta tolki pačatak.
Tamu zamachnucca naohuł na Zachad, a Litva — častka Zachadu — heta vielmi ryzykoŭna, navat dla Alaksandra Ryhoraviča ź jaho hienierałami i hetak dalej. Tamu što adkaz byŭ by, ja b skazaŭ, niepraparcyjna surovy dla tych, chto pasprabavaŭ by heta zrabić».
Na dumku Aŭštravičusa, «jastraby» ŭ Minsku i Maskvie pavinny viedać, što adkaz na pravakacyi i stvareńnia napružańnia z zachodniaha boku budzie. «I heta budzie nie adkaz Vilni ci Ryhi, heta budzie adkaz z Brusiela i Vašynhtona. Tamu treba dobra padumać, ci nie strašna navat dumać pierastupić miažu», — dadaŭ jon.
Pieršy namieśnik dziaržsakratara Rady biaśpieki Biełarusi Pavieł Muraviejka vystupiŭ z vajaŭničymi zajavami na ideałahičnym sieminary, arhanizavanym Minharvykankamam. Pa słovach Muraviejki, Biełaruś maje ŭsie padstavy «prasiekčy žyćciova važny kalidor» praź Litvu z dapamohaj zbroi, kab atrymać dostup da tranzitu tavaraŭ.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2222
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?22
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary
Vsie my vsio ponimajem.
No, skažiem, čisto hipotietičieski.
Jeśli połychniet siejčas bližnij vostok.
A za nim tichij okiean.
Tak li už budiet zabotiť Briuśsiel i Vašinhton kakoj to tam koridorčik v podmyškie jevropy?