Padličyli ŭsich abanientaŭ sotavaj suviazi ŭ Biełarusi. Voś kolki chvilin nahavaryŭ kožny
Ministerstva suviazi i infarmatyzacyi apublikavała padrabiaznuju spravazdaču ab raźvićci sotavaj suviazi ŭ Biełarusi na asnovie danych za treci kvartał 2023 hoda. Blizko.by padsumavaŭ asnoŭnyja vysnovy.
Tak, kolkaść abanientaŭ skłała 11 823 706 čałaviek (heta značyć, u častki ludziej jość pa niekalki numaroŭ abo jany naležać da roznych sotavych apierataraŭ). Ź ich mabilnym internetam za kvartał skarystałasia 8 139 313 abanientaŭ.
Ahulny vychodny trafik skłaŭ amal 8 miljardaŭ chvilin, a mienavita 7 838 719 000. Heta za treci kvartał, ci za 92 dni.
U siarednim atrymlivajecca pa 7 chvilin na kožnaha abanienta ŭ dzień.
Pry hetym pieravažnaja bolšaść trafiku prypadaje na zvanki ŭnutry sietki — 6 017 080 000 chvilin, a na inšyja sotavyja sietki — 1 698 109 000 chvilin. Na stacyjanarnuju suviaź telefanavali 117 716 000 chvilin, a vychodny mižnarodny trafik skłaŭ 4 754 000 chvilin.
Usiaho za kvartał było adpraŭlena 78 384 000 SMS — u siarednim vychodzić amal pa 7 esemesak na kožnaha abanienta, abo pa adnoj kožnyja 14 dzion.
Chtości jašče karystajecca i MMS — ich było adpraŭlena 2 118 000 štuk. U siarednim atrymlivajecca, što kožny piaty abanient adpraviŭ adnu štuku za kvartał.
Ahulny abjom trafiku danych skłaŭ 396 894 066 Hb, ź jaho pa technałohii UMTS — 135 753 684 Hb, a pa technałohii LTE — 261 013 290 Hb.
U krainie ŭstanoŭlena 36 125 bazavych stancyj (ź ich 17 974 standartu UMTS, a 5 754 — standartu LTE).
Sotavaja suviaź dastupnaja na 99,3% terytoryi Biełarusi — heta značyć, što 1 453 kvadratnyja kiłamietry dahetul suviaźziu nie achoplenyja. Heta ŭmoŭny kvadrat z bakami prykładna 35ch40 kiłamietraŭ.
-
Pamior biznesmien z 90-ch Alaksandr Smancar. Heta jon u 2010 zvaniŭ Statkieviču na Płošču i zaklikaŭ «siadać u kresła Sidorskaha»
-
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier
-
Niamiecki deputat, jaki maje pad Lidaj firmu pa pierapracoŭcy cybuli, vyklikaŭ palicyju na žurnalistaŭ i byłoha biełaruskaha viaźnia
Ciapier čytajuć
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier1
Kamientary
Užo ž daŭno paličyli! )))