Stała viadoma, što 22 vieraśnia ŭ sudzie Partyzanskaha rajona Minska adrazu čatyroch ludziej asudzili pavodle art. 342 (arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich) Kryminalnaha kodeksa, piša «Viasna».
Dźmitryja i Lizavietu Klanickich asudzili da troch hadoŭ abmiežavańnia voli biez nakiravańnia ŭ PUAT — «chatniaj chimii», Dźmitryja Murašku — da dvuch z pałovaj hadoŭ «chatniaj chimii», a Žannu Nahułu — da dvuch hadoŭ i troch miesiacaŭ «chatniaj chimii».
Viadoma, što Klanickija byli pad vartaj da vyniasieńnia prysudu. Ich vyzvalili ŭ zale suda. Muraška i Nahuła byli na voli pad zakładam u pamiery 3700 rubloŭ kožny.
Usich čatyroch identyfikavali pa fotazdymkach, jakija znajšli ŭ adnaho ź ich. Usie fihuranty spravy ŭniesienyja ŭ «śpis ekstremistaŭ».
Prysud ahučyŭ sudździa Michaił Makarevič.
Kamientary