Alaksandr Łukašenka 19 kastryčnika padpisaŭ ukaz ab likvidacyi papraŭčaj kałonii №5 u Ivacevičach. Dakumient apublikavany na Nacyjanalnym pravavym partale.
Kałoniju, jakaja naležyć upraŭleńniu Departamienta vykanańnia pakarańniaŭ MUS pa Bresckaj vobłaści, likvidujuć «u metach aptymizacyi struktury papraŭčych ustanoŭ i lačebna-pracoŭnych prafiłaktoryjaŭ». Tak, zhodna z ukazam ab likvidacyi papraŭčaj ustanovy, na jaje miescy płanujuć stvaryć lačebna-pracoŭny prafiłaktoryj.
Ciapier MUS pavinna za try miesiacy likvidavać PK-5 i zarehistravać na jaje miescy ŁPP-8. Prafiłaktoryju pieradaduć usiu majomaść kałonii. Taksama viedamstva pavinna zaćvierdzić strukturu i štatny raskład ŁPP.
Ciapier u papraŭčaj kałonii ŭ Ivacevičach adbyvajuć pakarańnie, pavodle sajta pravaabarončaha centra «Viasna», siamiora palitviaźniaŭ: Anton Babroŭ, Alaksiej Siamionaŭ, Alaksandr Franckievič, Alaksandr Aŭdziajuk, Illa Dubski, Pavieł Bielenik i Pavieł Piaskoŭ.
Lačebna-pracoŭny prafiłaktoryj, jaki chočuć adkryć na miescy kałonii, zajmajecca prymusovaj izalacyjaj i miedyka-sacyjalnaj readaptacyjaj z abaviazkovym pryciahnieńniem da pracy hramadzian, chvorych na chraničny ałkahalizm, narkamaniju abo taksikamaniju.
Ciapier čytajuć
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami5
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2222
Kamientary