Zatrymali administratara kanała «Salidarnaść Ivacevičy», jon u SIZA
Nabližany da siłavikoŭ resurs zajaŭlaje, što administratar «pryznanaha ekstremisckim farmiravańniem telehram-kanała «Salidarnaść Ivacevičy», znachodzicca ŭ SIZA. Śćviardžajecca, što jon pryznany padazravanym pa kryminalnaj spravie pa č.1 art. 361-1 KK (Stvareńnie ekstremisckaha farmiravańnia, a roŭna farmiravańnia, dziejnaść jakoha nakiravana na reabilitacyju nacyzmu, albo kiraŭnictva takim farmiravańniem abo ŭvachodziać u jaho strukturnym padraździaleńniem), piša Reform.by.
Pra zatrymańnie mužčyny stała viadoma 19 kastryčnika z zapisanaha siłavikami videa. Na im zatrymany kaža, što jaho zavuć Vital Piatrovič. Pavodle jaho, u 2020 hodzie jon dapamahaŭ u zbory podpisaŭ za Śviatłanu Cichanoŭskuju, na videa demanstrujecca paśviedčańnie siabra jaje inicyjatyŭnaj hrupy.
Aŭtary kanała śćviardžali, što Vital nibyta adpraŭlaŭ infarmacyju «ekstremisckim farmiravańniam», pryniaŭ udzieł u płanie «Pieramoha», a taksama ŭdzielničaŭ u akcyjach pratestu ŭ Minsku. Ale siarod hetych standartnych dla mnohich zatrymanych abvinavačańniaŭ było i zusim ekzatyčnaje: maŭlaŭ, Piatrovič vaziŭ da miažy mihrantaŭ z Turcyi.
Sankcyja artykuła, jaki inkryminujecca Vitalu Piatroviču, praduhledžvaje ad 3 da 7 hadoŭ pazbaŭleńnia voli.
Picajoła z Hrodna asudzili na piać hadoŭ kałonii ŭzmocnienaha režymu nibyta za zakliki da masavych biesparadkaŭ
Zamiest śviatkavańnia jubileju — za kraty. Viciablanka Ludmiła Kaminskaja sustreła svajo 60-hodździe ŭ IČU
U Słonimie nastaŭnicu z 20-hadovym stažam asudzili za zachoŭvańnie knihi pa historyi
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary
Pryjšli fašyki da čałavieka jaki źbiraŭ podpisy, pałazili pa kampjutary i pa telefonu, vypadkova apyniłasia, što jon admin, a potym takija pišuć "naši chakiery vyčiślili admina, uuu, trasiciesia, bojciesia!"
https://d2accbiqacj5y8.cloudfront.net/328749"