U bara z chamskim absłuhoŭvańniem nasuprać KDB, zdajecca, prablemy. Pastarałasia Bondarava
Dniami ŭ Minsku na vulicy Kamsamolskaj adkryŭsia «Vielmi dziŭny bar». Jaho fiška — chamskaje absłuhoŭvańnie (takija ŭstanovy nie redkaść u Jeŭropie). Ale siońnia sacsietki bara vyčyščanyja, videa z raskazam pra jaho źnikła z tyktoka.
Prarasijskaja aktyvistka Volha Bondarava pryznała, što jana paskardziłasia na bar.
«Prasili ŭ čacie patłumačyć pra destruktyŭnuju charčeŭniu, što pasprabavali adkryć pobač z kamitetam. Tłumaču. I zaadno adkazvaju na pytańnie «Jak doŭha jana pratrymajecca ŭ susiedstvie z KDB?». Nikolki»,
— napisała siońnia Bondarava ŭ svaim telehram-kanale.
U instahram-akaŭncie bara raniej było dva videa z atmaśfieraj unutry. Ciapier jany źnikli. U pustym akaŭncie zastałosia dźvie z pałovaj tysiačy padpisčykaŭ. Z tyktoka źnikła taksama videa błohierki, jakaja raskazvała pra niezvyčajny dla stalicy bar.
Pakul niajasna, ci budzie ŭstanova pracavać dalej.
Bar tak akreślivaŭ praviły: uvachod stroha 18+, na temu palityki i relihii žartavać nielha, bicca zabaroniena. Administracyja adrazu prosić nie prychodzić tych, chto nie razumieje kanceptualnaha humaru.
Nazvy ježy i napojaŭ u mieniu całkam adpaviadajuć kancepcyi. Jość, naprykład, burhier «Razarvi siorbała», sneki «Paru pałak pierad snom», kaktejl «U rot vaźmu». Kali klijent žadaje, to aficyjant moža navat pakarmić jaho z ruk.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3
Kamientary
Ikry u tiebia voobŝie zaškvar! Nohi niekrasivyje.
Vładielec Audi a2 pod nadzorom....