U stalicy na Kamsamolskaj vulicy źjaviŭsia novy bar ź cikavym farmatam. U «Vielmi dziŭnym bary» aficyjantam dazvolena chamić klijentam. Naviedvalniki taksama mohuć adkazvać hruba.
U instahramie bara paznačany praviła: uvachod stroha 18+, na temu palityki i relihii žartavać nielha, bicca zabaroniena. Administracyja adrazu prosić nie prychodzić tych, chto nie razumieje kanceptualnaha humaru. Paznačana taksama: «Pasłać aficyjanta abo barmiena — abaviazkova».
Pracuje «Vielmi dziŭny bar» z 14:00 da 20:00, kab tudy trapić, treba zabraniravać miesca. Bo, jak tłumačycca na staroncy bara ŭ instahramie: «A to kali pryjdzieš, a dupu tvaju pasadzić nie budzie kudy, to budzie nie vielmi pryjemna, pravilna?».
Nazvy ježy i napojaŭ u mieniu całkam adpaviadajuć kancepcyi. Jość, naprykład, burhier «Razarvi siorbała», sneki «Paru pałak pierad snom», kaktejl «U rot vaźmu». Kali klijent žadaje, to aficyjant moža navat pakarmić jaho z ruk.
Kab patencyjalnyja klijenty adrazu razumieli, što ich čakaje, u kamientaryjach u instahramie SMM-śpiecyjalist bara adkazvaje prykładna tak:
«U vas možna pasyłać aficyjantaŭ i maciukacca?» — «Ty tupaja? Treba!»
U tyktoku pra «Vielmi dziŭny bar» raspaviała błohierka raidensy. Videa nabrała bolš za 522 tysiačy prahladaŭ. Ale šmat chto z kamientataraŭ nie pahadziŭsia, što heta sapraŭdy pieršaje ŭ Biełarusi miesca z chamskim absłuhoŭvańniem: «U nas u stałovaj BDU z paroha havaryli «ch*iastvujcie»», «U Barysavie takich šmat», «U CUM zajdzicie», «Heta dla tych, chto nikoli nie byŭ u pašpartnym stale», «Daloka chadzić nie treba, u paliklinicy i na pošcie toje samaje, ale biaspłatna».
Niekatoryja pačali dumać ab źmienie pracy, bo praca, dzie dazvolena chamić, zdajecca pracaj mary, a niechta z byłych aficyjantaŭ vyrašyŭ pasprabavać viarnucca ŭ śfieru hramadskaha charčavańnia.
Chtości prapanuje naviedvańnie «Vielmi dziŭnaha bara» daryć tym, chto tabie nie nadta padabajecca. Adna dziaŭčyna vyrašyła adpravić tudy śviakroŭ.
Ciapier čytajuć
Aryštavali byłoha pamočnika Michaiła Miaśnikoviča8
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
kryvať dvieŕ možno nieposriedstvienno nahoj?