У сталіцы на Камсамольскай вуліцы з’явіўся новы бар з цікавым фарматам. У «Вельмі дзіўным бары» афіцыянтам дазволена хаміць кліентам. Наведвальнікі таксама могуць адказваць груба.
У інстаграме бара пазначаны правіла: уваход строга 18+, на тэму палітыкі і рэлігіі жартаваць нельга, біцца забаронена. Адміністрацыя адразу просіць не прыходзіць тых, хто не разумее канцэптуальнага гумару. Пазначана таксама: «Паслаць афіцыянта або бармена — абавязкова».
Працуе «Вельмі дзіўны бар» з 14:00 да 20:00, каб туды трапіць, трэба забраніраваць месца. Бо, як тлумачыцца на старонцы бара ў інстаграме: «А то калі прыйдзеш, а дупу тваю пасадзіць не будзе куды, то будзе не вельмі прыемна, правільна?».
Назвы ежы і напояў у меню цалкам адпавядаюць канцэпцыі. Ёсць, напрыклад, бургер «Разарві сёрбала», снэкі «Пару палак перад сном», кактэйль «У рот вазьму». Калі кліент жадае, то афіцыянт можа нават пакарміць яго з рук.
Каб патэнцыяльныя кліенты адразу разумелі, што іх чакае, у каментарыях у інстаграме SMM-спецыяліст бара адказвае прыкладна так:
«У вас можна пасылаць афіцыянтаў і мацюкацца?» — «Ты тупая? Трэба!»
У тыктоку пра «Вельмі дзіўны бар» распавяла блогерка raidensy. Відэа набрала больш за 522 тысячы праглядаў. Але шмат хто з каментатараў не пагадзіўся, што гэта сапраўды першае ў Беларусі месца з хамскім абслугоўваннем: «У нас у сталовай БДУ з парога гаварылі «х*яствуйце»», «У Барысаве такіх шмат», «У ЦУМ зайдзіце», «Гэта для тых, хто ніколі не быў у пашпартным стале», «Далёка хадзіць не трэба, у паліклініцы і на пошце тое самае, але бясплатна».
Некаторыя пачалі думаць аб змене працы, бо праца, дзе дазволена хаміць, здаецца працай мары, а нехта з былых афіцыянтаў вырашыў паспрабаваць вярнуцца ў сферу грамадскага харчавання.
Хтосьці прапануе наведванне «Вельмі дзіўнага бара» дарыць тым, хто табе не надта падабаецца. Адна дзяўчына вырашыла адправіць туды свякроў.
Цяпер чытаюць
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў66
Каментары
крывать дверь можно непосредственно нагой?